ರಾಜೀವ್‌ ತಾರಾನಾಥ್‌ಗೆ ನಾಡೋಜ ಪ್ರದಾನ ನಾಳೆ

ಹೊಸಪೇಟೆ: ವಿಶ್ವ ಶ್ರೇಷ್ಠ ಸರೋದ್‌ ವಾದಕ ಡಾ| ರಾಜೀವ್‌ ತಾರಾನಾಥ್‌ ಅವರು ಈ ಬಾರಿಯ ಕನ್ನಡ ವಿಶ್ವವಿದ್ಯಾಲಯದ ಪ್ರತಿಷ್ಠಿತ ನಾಡೋಜ ಗೌರವಕ್ಕೆ ಭಾಜನರಾಗಿದ್ದಾರೆ. 

ಮಾ.10ರಂದು ಕನ್ನಡ ವಿವಿಯ ನವರಂಗ ಬಯಲು ಮಂದಿರದಲ್ಲಿ ನಡೆಯಲಿರುವ ಕನ್ನಡ ವಿವಿಯ 26ನೇ
ಘಟಿಕೋತ್ಸವದಲ್ಲಿ ರಾಜ್ಯಪಾಲ ವಿ.ಆರ್‌.ವಾಲಾ ಅವರು ಗೌರವ ಪ್ರದಾನ ಮಾಡಲಿದ್ದಾರೆ ಎಂದು ಕನ್ನಡ ವಿವಿಯ ಕುಲಪತಿ ಡಾ| ಮಲ್ಲಿಕಾ ಎಸ್‌.ಘಂಟಿ ತಿಳಿಸಿದರು.

ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಉನ್ನತ ಶಿಕ್ಷಣ ಸಚಿವ ಬಸವರಾಜ ರಾಯರಡ್ಡಿ ಅವರು ಸಂಗೀತ, ಚಿತ್ರಕಲೆ, ಕನ್ನಡ ಭಾಷಾಧ್ಯಯನ, ಕನ್ನಡ ಸಾಹಿತ್ಯ ಅಧ್ಯಯನ,ಪತ್ರಿಕೋದ್ಯಮ, ನಾಟಕ ಡಿಪ್ಲೊಮಾ, ಎಂ.ಫಿಲ್‌,ಪಿಎಚ್‌ಡಿ ಸೇರಿ ಒಟ್ಟು 299 ವಿದ್ಯಾರ್ಥಿಗಳು ಹಾಗೂ ದೂರಶಿಕ್ಷಣ ನಿರ್ದೇಶನಾಲಯದ 1,517 ವಿದ್ಯಾರ್ಥಿಗಳಿಗೆ ಪದವಿ ಪ್ರದಾನ ಮಾಡಲಿದ್ದಾರೆ ಎಂದು ಮಾಹಿತಿ ನೀಡಿದರು.