ಡಾ.ರಾಜ್‌ ಸಖ್ಯ ಸಿಕ್ಕಿದ್ದೇ ಪುಣ್ಯ: ರಜನಿ

ಚೆನ್ನೈ:  ಕನ್ನಡ ಚಿತ್ರರಂಗದ ಮೇರು ನಟ ಡಾ. ರಾಜ್‌ಕುಮಾರ್‌ ಅವರ ಸಾಂಗತ್ಯ ಪಡೆದಿದ್ದು ತಮ್ಮ ಪೂರ್ವ ಜನ್ಮದ ಪುಣ್ಯ ಎಂದು ತಮಿಳು ಸೂಪರ್‌ ಸ್ಟಾರ್‌ ರಜನೀಕಾಂತ್‌ ಹೇಳಿದ್ದಾರೆ. ತಮ್ಮ ರಾಜಕೀಯ ಪ್ರವೇಶ ಕುರಿತಂತೆ ಡಿ. 26ರಿಂದ ಅಭಿಮಾನಿಗಳ ಅಭಿಪ್ರಾಯ ಸಂಗ್ರದಲ್ಲಿ ನಿರತರಾಗಿರುವ ಅವರು, ಗುರುವಾರ ಮದುರೈ, ವಿರುದ್‌ನಗರ,ಸೇಲಂ ಹಾಗೂ ನಾಮಕ್ಕಲ್‌ನಲ್ಲಿನ ತಮ್ಮ ಅಭಿಮಾನಿಗಳೊಂದಿಗೆ ಮುಖಾಮುಖೀಯಾದ ವೇಳೆ ಡಾ. ರಾಜ್‌ ಕುಮಾರ್‌ ಅವರನ್ನು ಹಾಡಿ ಹೊಗಳಿದ್ದಾರೆ. 

“”ಡಾ. ರಾಜ್‌ ಎಂದರೆ ತಮಿಳಿನ ಸೂಪರ್‌ ಸ್ಟಾರ್‌ಗಳಾದ ಶಿವಾಜಿ ಗಣೇಶನ್‌, ಎಂಜಿಆರ್‌ ಅವರಿಬ್ಬರ ಸಮ್ಮಿಶ್ರಣ ವ್ಯಕ್ತಿತ್ವ. ನನಗೆ 14-15 ವರ್ಷ ವಯಸ್ಸಾಗಿದ್ದಾಗ ಡಾ. ರಾಜ್‌ ಅವರನ್ನು ನೋಡಿದ್ದಷ್ಟೆ. ಸಿನಿಮಾವೊಂದರ ಶತ ದಿನೋ ತ್ಸವ ಕಾರ್ಯಕ್ರಮವೊಂದರಲ್ಲಿ ಅವರನ್ನು ನೋಡಿ ಪಾದ ಸ್ಪರ್ಶ ಮಾಡಿ ಪುಳಕಿತನಾಗಿದ್ದೆ” ಎಂದು ತಮ್ಮ ಬಾಲ್ಯದ ನೆನಪುಗಳನ್ನು ಬಿಚ್ಚಿಟ್ಟಿದ್ದಾರೆ. ಇದೇ ವೇಳೆ, ಈಗಿನ ಕಾಲದಲ್ಲಿ ನೀವು ನಿಮ್ಮ ತಂದೆ-ತಾಯಿ, ಗುರುವಿಗೆ ಬಿಟ್ಟು ಮತ್ಯಾರ ಕಾಲಿಗೂ ಬೀಳಬೇಡಿ ಎಂಬ ಕಿವಿಮಾತನ್ನೂ ಹೇಳಿದ್ದಾರೆ ಅವರು.