ಭಾರತದ 6,105 ರೈಲು ನಿಲ್ದಾಣಗಳಲ್ಲಿ ರೈಲ್‌ವೈರ್‌ ಸೇವೆ

ನವದೆಹಲಿ: ರೈಲ್‌ಟೆಲ್‌ ಕಾರ್ಪೊರೇಷನ್‌ ಆಫ್ ಇಂಡಿಯಾದ ಹೈಸ್ಪೀಡ್‌ ಇಂಟರ್‌ನೆಟ್‌ ಸೇವೆ ರೈಲ್‌ವೈರ್‌ ದೇಶದ 6,105 ರೈಲು ನಿಲ್ದಾಣಗಳಲ್ಲಿ ಲಭ್ಯವಿದೆ.

ಈ ಬಗ್ಗೆ ಶನಿವಾರ ಸಂಸ್ಥೆ ಘೋಷಣೆ ಮಾಡಿದೆ. “ರೈಲ್‌ವೈರ್‌ ಗ್ರಾಹಕರು ಇದಕ್ಕಾಗಿ ರೈಲ್ವೆ ನಿಲ್ದಾಣಗಳಲ್ಲಿ ಪ್ರೀಪೇಯ್ಡ ವೈ-ಪೈ ಪ್ಲಾನ್‌ಗಳನ್ನು ಖರೀದಿಸುವ ಅಗತ್ಯವಿಲ್ಲ. ಬದಲಾಗಿ ರೈಲ್‌ವೈರ್‌ ಫೈಬರ್‌ ಟು ದಿ ಹೋಮ್‌(ಎಫ್ಟಿಟಿಎಫ್) ಸಬ್‌ಸ್ಕ್ರಿಪ್ಶನ್‌ ಅನ್ನು ರೈಲ್‌ಟೆಲ್‌ನ ವೈ-ಫೈ ನೆಟ್‌ವರ್ಕ್‌ನಲ್ಲಿ ಬಳಸಬಹುದಾಗಿದೆ,’ ಎಂದು ಕಂಪನಿ ಹೇಳಿದೆ.

ಈ ನೂತನ ಸೌಲಭ್ಯ ಹೊಂದಲು ರೈಲ್‌ವೈರ್‌ ಗ್ರಾಹಕರು ತಮ್ಮ ಸ್ಮಾರ್ಟ್‌ಪೋನ್‌ನಲ್ಲಿ ವೈ-ಫೈ ಆನ್‌ ಮಾಡಿಕೊಳ್ಳಬೇಕು. ಅದರಲ್ಲಿ ರೈಲ್‌ವೈರ್‌ ಎಸ್‌ಎಸ್‌ಐಡಿ ಆಯ್ಕೆ ಮಾಡಿಕೊಳ್ಳಬೇಕು ಹಾಗೂ ರೈಲ್‌ವೈರ್‌ ಯೂಸರ್‌ ಐಡಿ ಮತ್ತು ಪಾಸ್‌ವರ್ಡ್‌ ಪಡೆಯಲು ಕ್ಯಾಪ್ಟಿವ್‌ ಪೋರ್ಟಲ್‌ನಲ್ಲಿನ ಹೈಪರ್‌ಲಿಂಕ್‌ ಅನ್ನು ಕ್ಲಿಕ್‌ ಮಾಡಬೇಕು ಎಂದು ಕಂಪನಿ ವಿವರಿಸಿದೆ. ಸದ್ಯ ಕಂಪನಿ 4.82 ಲಕ್ಷ ಮಂದಿ ಗ್ರಾಹಕರನ್ನು ಹೊಂದಿದೆ.