Ashwini Vaishnav: ರೈಲ್ವೇ ತಿದ್ದುಪಡಿ ಮಸೂದೆ ರೈಲ್ವೇಯನ್ನು ಖಾಸಗೀಕರಣ ಮಾಡುವುದಿಲ್ಲ

ಹೊಸದಿಲ್ಲಿ: ರೈಲ್ವೇ ತಿದ್ದುಪಡಿ ಮಸೂದೆ ಭಾರತೀಯ ರೈಲ್ವೇಯನ್ನು ಖಾಸಗೀಕರಣ ಮಾಡುವುದಿಲ್ಲ. ರೈಲನ್ನು ಖಾಸಗೀಕರಣ ಮಾಡಲಾಗುತ್ತಿದೆ ಎಂಬ ಸುಳ್ಳುಸುದ್ದಿಯನ್ನು ಹಬ್ಬಿಸಲಾಗುತ್ತಿದೆ ಎಂದು ಕೇಂದ್ರ ರೈಲ್ವೇ ಸಚಿವ ಅಶ್ವಿ‌ನಿ ವೈಷ್ಣವ್‌ ಹೇಳಿದ್ದಾರೆ.

ರೈಲ್ವೇ ಮಂಡಳಿ ಪುನಾರಚನೆ, ಹೆಚ್ಚಿನ ಸ್ವಾಯತ್ತೆ ಸಹಿತ ಹಲವು ಅಂಶಗಳನ್ನೊಳಗೊಂಡ ಮಸೂದೆ ಯನ್ನು ಬುಧವಾರ ಧ್ವನಿಮತದ ಮೂಲಕ ಲೋಕಸಭೆಯಲ್ಲಿ ಅಂಗೀಕರಿಸಲಾಯಿತು.

ಈ ವೇಳೆ ಮಾತನಾಡಿದ ಅಶ್ವಿ‌ನಿ ವೈಷ್ಣವ್‌, ಈ ತಿದ್ದುಪಡಿ ಮಸೂದೆ ರೈಲ್ವೇಯನ್ನು ಖಾಸಗೀಕರಣಗೊಳಿಸುತ್ತದೆ ಎಂದು ಕೆಲವರು ಸುಳ್ಳು ಹಬ್ಬಿಸುತ್ತಿದ್ದಾರೆ. ಸಂವಿಧಾನ ಬದಲಾವಣೆ ಸಂಬಂಧಿಸಿದಂತೆ ಈಗಾಗಲೇ ಅವರು ಸೃಷ್ಟಿಸಿರುವ ಸುಳ್ಳು ಸಾಬೀತಾಗಿಲ್ಲ ಎಂದರು.