ಮಸೀದಿಯಲ್ಲಿ ಹಿಂದೂ ದಂಪತಿಗಳ ವಿವಾಹ; ವಿಡಿಯೋ ಹಂಚಿಕೊಂಡ ರೆಹಮಾನ್

‘ದಿ ಕೇರಳ ಸ್ಟೋರಿ’ ಚಿತ್ರದ ಕುರಿತು ವ್ಯಾಪಕ ಚರ್ಚೆ ನಡೆಯುತ್ತಿರುವ ನಡುವೆ ಹಿಂದೂ ದಂಪತಿಗಳು ಮಸೀದಿಯಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿರುವ ವಿಡಿಯೋವನ್ನು ಖ್ಯಾತ ಸಂಗೀತ ನಿರ್ದೇಶಕ ಎ. ಆರ್.ರೆಹಮಾನ್ ಟ್ವೀಟ್ ಮಾಡಿ ಹಂಚಿಕೊಂಡಿದ್ದಾರೆ.

“ಮಾನವೀಯತೆಯ ಮೇಲಿನ ಪ್ರೀತಿಯು ಬೇಷರತ್ತಾಗಿರಬೇಕು ಮತ್ತು ಗುಣಪಡಿಸುವಂತಿರಬೇಕು” ಎಂದು ಎಆರ್ ರೆಹಮಾನ್ ಗುರುವಾರ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

“ಇಲ್ಲಿ ಮತ್ತೊಂದು #ದಿ ಕೇರಳ ಸ್ಟೋರಿ” ಎಂಬ ಶೀರ್ಷಿಕೆಯನ್ನು ಮೈಕ್ರೋಬ್ಲಾಗಿಂಗ್ ಸೈಟ್‌ನಲ್ಲಿ ಪುಟವೊಂದು ಹಂಚಿಕೊಂಡಿದ್ದು, ಆಸ್ಕರ್ ವಿಜೇತ ರೆಹಮಾನ್ ವಿಡಿಯೋವನ್ನು ಮರುಟ್ವೀಟ್ ಮಾಡಿದ್ದಾರೆ.