ಇಂಗ್ಲಿಷ್‌ ಕೌಂಟಿಗೆ ಆರ್‌. ಅಶ್ವಿ‌ನ್‌

ಚೆನ್ನೈ: ಭಾರತದ ಸೀನಿಯರ್‌ ಸ್ಪಿನ್ನರ್‌ ರವಿಚಂದ್ರನ್‌ ಅಶ್ವಿ‌ನ್‌ ಇಂಗ್ಲಿಷ್‌ ಕೌಂಟಿಯಲ್ಲಿ ನಾಟಿಂಗ್‌ಹ್ಯಾಮ್‌ಶೈರ್‌ ತಂಡವನ್ನು ಪ್ರತಿನಿಧಿಸಲಿದ್ದಾರೆ. ಇದನ್ನು ಬಿಸಿಸಿಐನ ಅಧಿಕಾರಿಯೊಬ್ಬರು ಸ್ಪಷ್ಟಪಡಿಸಿದ್ದಾರೆ.

ಸೆಂಟ್ರಲ್‌ ಕಾಂಟ್ರಾಕ್ಟ್ ಹೊಂದಿರುವ ಯಾವುದೇ ಆಟಗಾರರು ಇಂಗ್ಲಿಷ್‌ ಕೌಂಟಿಯಲ್ಲಿ ಆಡಲು ಅರ್ಹರು. ಅಶ್ವಿ‌ನ್‌ ಅವರ ಒಪ್ಪಂದ ಬಹುತೇಕ ಅಂತಿಮಗೊಂಡಿದೆ. ಮಂಡಳಿ ಸಿಎಒ ಅವರ ನಿರಾಕ್ಷೇಪಣಾ ಪತ್ರಕ್ಕೆ ಸಹಿ ಹಾಕುವುದೊಂದು ಬಾಕಿ ಎಂದು ಬಿಸಿಸಿಐ ಅಧಿಕಾರಿ ತಿಳಿಸಿದ್ದಾರೆ.

ಟೆಸ್ಟ್‌ ತಂಡದ ಉಪನಾಯಕ ಅಜಿಂಕ್ಯ ರಹಾನೆ ಅವರ ಹ್ಯಾಂಪಶೈರ್‌ ತಂಡದೊಂದಿಗಿನ ಒಡಂಬಡಿಕೆ ಬಳಿಕ ಇದೀಗ ಆರ್‌. ಅಶ್ವಿ‌ನ್‌ ಸರದಿ. ಅವರು ನಾಟಿಂಗ್‌ಹ್ಯಾಮ್‌ಶೈರ್‌ ಪರ ಕನಿಷ್ಠ 6 ಪಂದ್ಯಗಳನ್ನು ಆಡುವ ಸಾಧ್ಯತೆ ಇದೆ.

2ನೇ ಬಾರಿ
ಅಶ್ವಿ‌ನ್‌ ಇಂಗ್ಲಿಷ್‌ ಕೌಂಟಿಯಲ್ಲಿ ಆಡುತ್ತಿರುವುದು ಇದು 2ನೇ ಸಲ. ಇದಕ್ಕೂ ಮುನ್ನ 2017ರ ಋತುವಿನಲ್ಲಿ ವೂರ್ಸೆಸ್ಟರ್‌ಶೈರ್‌ ಪರ 4 ಪಂದ್ಯಗಳನ್ನಾಡಿ 20 ವಿಕೆಟ್‌ ಉರುಳಿಸಿದ್ದರು.