48 ತಂಡಗಳ ಫ‌ುಟ್‌ಬಾಲ್‌ ವಿಶ್ವಕಪ್‌ಗೆ ವಿರೋಧ

ಲಂಡನ್‌: 2022ರ ಕತಾರ್‌ ಫ‌ುಟ್ಬಾಲ್‌ ವಿಶ್ವಕಪ್‌ನಲ್ಲಿ 48 ತಂಡಗಳನ್ನು ಆಡಿಸುವುದಕ್ಕೆ ಯೂರೋಪಿನ ಪ್ರಖ್ಯಾತ ಫ‌ುಟ್ಬಾಲ್‌ ಲೀಗ್‌ಗಳು ವಿರೋಧ ವ್ಯಕ್ತಪಡಿಸಿವೆ. 

ಈ ಮಾದರಿಯಿಂದ ಕೂಟ ನಿಗದಿತ 28 ದಿನದಿಂದ 32 ದಿನಕ್ಕೆ ವಿಸ್ತಾರವಾಗುತ್ತದೆ. ಈ ವಿಸ್ತರಿತ ಕೂಟದಿಂದ ಲೀಗ್‌ಗಳ ಮೇಲೆ ಪರಿಣಾಮವಾಗುತ್ತದೆ ಎನ್ನುವುದು ಲೀಗ್‌ ಸಂಘಟಕರ ಚಿಂತೆ. ಇದಕ್ಕೆ ಕಾರಣವೂ ಇದೆ. 2022ರ ಕೂಟವನ್ನು 32 ತಂಡಗಳೊಂದಿಗೆ ನಡೆಸುವುದಾಗಿ ಫಿಫಾ ಆರಂಭದಲ್ಲಿ ಹೇಳಿತ್ತು. ಈಗ ಈ ಲೆಕ್ಕಾಚಾರ ಬದಲಿಸಲು ತೀರ್ಮಾನಿಸಿರುವುದು ಲೀಗ್‌ಗಳಿಗೆ ಬೇಸರ ಮೂಡಿಸಿದೆ.