ಅಮೆರಿಕ ಅಧ್ಯಕ್ಷ ಟ್ರಂಪ್‌ ಪುತ್ರಿ ಇವಾಂಕಾ ಟ್ರಂಪ್‌ ಇತ್ತೀಚೆಗೆ ಭಾರತಕ್ಕೆ ಭೇಟಿ ನೀಡಿದ್ದಾಗ ಯುವಕರ ನಿದ್ದೆಗೆಡಿಸಿದ್ದು ಎಲ್ಲರಿಗೂ ತಿಳಿದ ವಿಚಾರ. ಭಾರತ ಭೇಟಿ ವೇಳೆ ತಾಜ್‌ಮಹಲ್‌ಗ‌ೂ ತೆರಳಿ, ಮಹಲಿನ ಮುಂದಿನ ಕಲ್ಲುಬೆಂಚಿನ ಮೇಲೆ ಒಬ್ಬರೇ ಕುಳಿತು ಕ್ಲಿಕ್ಕಿಸಿಕೊಂಡಿದ್ದ ಫೋಟೋವನ್ನು ಇಟ್ಟುಕೊಂಡು ಭಾರತದ ಹಲವು ಪಡ್ಡೆ ಹೈಕಳು, ಫೋಟೋಶಾಪ್‌ ಮೂಲಕ ಆಕೆಯ ಪಕ್ಕದಲ್ಲಿ ತಾವು ಕುಳಿತುಕೊಂಡಂತೆ ಫೋಟೋಗಳನ್ನು ಸೃಷ್ಟಿಸಿ ಅದನ್ನು ಆಕೆಗೇ ಟ್ವೀಟ್‌ ಮಾಡಿದ್ದಾರೆ! ಅವರಲ್ಲಿ ಗಾಯಕ ದಿಲ್ಜಿತ್‌ ಡೊಸಾಂಜ್‌ ಕೂಡ ಒಬ್ಬರು.
Thank you for taking me to the spectacular Taj Mahal,
@diljitdosanjh!
ನಗೆ ಉಕ್ಕಿಸುವಂತಿರುವ ಆ ಫೋಟೋಗಳನ್ನು ನೋಡಿರುವ ಇವಾಂಕಾ, ಒಂದಿಷ್ಟೂ ಬೇಸರಿಸಿಕೊಳ್ಳದೆ ಅವರೆಲ್ಲರಿಗೂ ‘ಥ್ಯಾಂಕ್ಸ್‌’ ಹೇಳಿದ್ದಾರಲ್ಲದೆ, ‘ಭಾರತೀಯರ ಅಪ್ಯಾಯಮಾನತೆಯನ್ನು ನಾನು ಮೆಚ್ಚುತ್ತೇನೆ” ಎಂದಿದ್ದಾರೆ.
