ಪಿಯು ಪರೀಕ್ಷೆ: 98 ವಿದ್ಯಾರ್ಥಿಗಳು ಗೈರು

ಹಗರಿಬೊಮ್ಮನಹಳ್ಳಿ: ಪಿಯುಸಿ ಪರೀಕ್ಷೆಯಲ್ಲಿ ಪಟ್ಟಣದ ಸರಕಾರಿ ಕಾಲೇಜ್‌ ಮತ್ತು ರೇಣುಕಾ ಕಾಲೇಜ್‌ ಕೇಂದ್ರಗಳಲ್ಲಿ ವಿದ್ಯಾರ್ಥಿಗಳು ಹೊರಗಡೆ ಸಾಮಾಜಿಕ ಅಂತರವನ್ನೂ ಲೆಕ್ಕಿಸದೆ ಪರಸ್ಪರ ಮಾತುಕತೆಯಲ್ಲಿ ತೊಡಗಿದ್ದು ಕಂಡುಬಂತು. ಒಟ್ಟು 1624 ವಿದ್ಯಾರ್ಥಿಗಳ ಪೈಕಿ 1526 ವಿದ್ಯಾರ್ಥಿಗಳು ಪರೀಕ್ಷೆ ಬರೆದರು. ಒಟ್ಟು 98 ವಿದ್ಯಾರ್ಥಿಗಳು ಪರೀಕ್ಷೆಯಿಂದ ಗೈರು ಹಾಜರಿಯಾಗಿದ್ದರು.

ಪರೀಕ್ಷೆಗಾಗಿ ಎರಡು ಕೇಂದ್ರಗಳನ್ನು ಬಳಸುವುದರ ಜೊತೆಗೆ ರಾಷ್ಟ್ರೋತ್ಥಾನ ವಿದ್ಯಾಕೇಂದ್ರದ ಕೆಲ ಕೊಠಡಿಗಳನ್ನು ಬಳಸಲಾಗಿತ್ತು. ಕಾಲೇಜ್‌ನ ಹೊರಗೆ ಪ್ರತಿ ವಿದ್ಯಾರ್ಥಿಗಳನ್ನು ಆರೋಗ್ಯ ಇಲಾಖೆ ಸಿಬ್ಬಂದಿ ಥರ್ಮಲ್‌ ಸ್ಕ್ರೀನಿಂಗ್‌ ನಡೆಸಿದರು. ಸರಕಾರಿ ಪದವಿ ಕಾಲೇಜ್‌ ನಲ್ಲಿ 2 ಮತ್ತು ರೇಣುಕಾ ಕಾಲೇಜ್‌ ನಲ್ಲಿ ಕೊಠಡಿಗಳಲ್ಲಿ ಮೂಡುಬಿದರೆ, ಉಡುಪಿ ಸೇರಿ ವಿವಿಧ ಕಾಲೇಜ್‌ಗಳ ವಿದ್ಯಾರ್ಥಿಗಳು ಪರೀಕ್ಷೆ ಬರೆದರು.