ಅಮಾಯಕರಿಗೆ ಚಿತ್ರಹಿಂಸೆ; ಇಸ್ಲಮಾಬಾದ್‌ನಲ್ಲಿ ಭಾರಿ ಪ್ರತಿಭಟನೆ

ಇಸ್ಲಮಬಾದ್‌: ಉಗ್ರವಾದದ ಕುರಿತು ಪಾಕಿಸ್ಥಾನ ಹೊಂದಿರುವ ಮೃದು ಧೋರಣೆ ವಿಶ್ವಕ್ಕೆ ಗೊತ್ತಿರುವ ವಿಚಾರ. ಇದೀಗ ಇನ್ನೊಮ್ಮೆ  ಪಾಕ್‌ನ ನೈಜ ಸ್ಥಿತಿ ಬಯಲಾಗಿದ್ದು,ಪಾಕ್‌ ಸರ್ಕಾರದ ವಿರುದ್ದ ಭಾನುವಾರ ಇಸ್ಲಮಾಬಾದ್‌ನಲ್ಲಿ  ಭಾರಿ ಪ್ರತಿಭಟನೆ ನಡೆಸಲಾಗಿದೆ.

ಪಾಕ್‌ ಆಕ್ರಮಿತ ಕಾಶ್ಮೀರದ ನೂರಾರು ಜನರು ಪ್ರತಿಭಟನೆ ನಡೆಸಿದ್ದು ಐಎಸ್‌ಐ ಪ್ರೇರಪಣೆಯಲ್ಲಿ ಅಮಾಯಕರ ಮೇಲೆ ಸರ್ಕಾರ ದೌರ್ಜನ್ಯ ಎಸಗುತ್ತಿದೆ, ಚಿತ್ರ ಹಿಂಸೆ ನೀಡುತ್ತಿದ್ದು ಇದು ನಿಲ್ಲಬೇಕು ಎಂದು ಪ್ರತಿಭಟನಾ ನಿರತರು ಆಗ್ರಹಿಸಿದ್ದಾರೆ. 

ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿ ಈಗಾಗಲೇ ಹಲವು ಪ್ರತಿಭಟನೆಗಳು ನಡೆದಿದ್ದವು, ಇದೀಗ ಪ್ರತಿಭಟನೆ ರಾಜಧಾನಿಗೂ ವ್ಯಾಪಿಸಿದೆ.