ಮದ್ಯದಂಗಡಿ ವಿರುದ್ಧ ಪ್ರತಿಭಟನೆ 

ಗೋಣಿಕೊಪ್ಪಲು: ಕಾವೇರಿ ವೆಂಕಟಪ್ಪ ಬಡಾವಣೆಯ ಬೈಪಾಸ್‌ ರಸ್ತೆಯಲ್ಲಿ ಮದ್ಯದಂಗಡಿಗಳನ್ನು ತೆರೆಯುವುದನ್ನು ವಿರೋಧಿಸಿ ಬಡಾವಣೆಯ ಕಾವೇರಿ ಒಕ್ಕೂಟ ಹಾಗೂ ನಿವಾಸಿಗಳು ಪ್ರತಿಭಟನೆ ನಡೆಸಿದರು. ಬೈಪಾಸ್‌ ರಸ್ತೆಯಿಂದ ಗ್ರಾ.ಪಂ. ವರೆಗೆ ಮೆರವ ಣಿಗೆ ನಡೆಸಿ ಪ್ರತಿಭಟನೆಯಲ್ಲಿ ಮಹಿಳೆಯರು ಮತ್ತು ಮಕ್ಕಳು ಪಾಲ್ಗೊಂಡರು. ಹೆಂಡ ಬೇಡ, ಎಳನೀರು ಕೊಡಿ ಘೋಷವಾಕ್ಯದೊಂದಿಗೆ ಬಸ್‌ ನಿಲ್ದಾಣದಲ್ಲಿ ಮಾನವ ಸರಪಳಿ ರಚಿಸಿ ಅಬಕಾರಿ ಇಲಾಖೆ ಉಪನಿರೀಕ್ಷಕ ಶ್ರೀನಿವಾಸ್‌ ಅವರಿಗೆ ಮನವಿ ಸಲ್ಲಿಸಿದರು.

ಬೈಪಾಸ್‌ ರಸ್ತೆ ಎಂದು ಕರೆಯುವ ವೆಂಕಟಪ್ಪ ಬಡಾವಣೆ ಲಿಂಕ್‌ ರಸ್ತೆಯಾಗಿದೆ. ಬಡಾವಣೆಯಲ್ಲಿ ಸುಮಾರು 250ಕ್ಕೂ ಹೆಚ್ಚು ಕುಟುಂಬಗಳು ವಾಸಿಸುತ್ತಿದ್ದಾರೆ. ಈ ಭಾಗದಲ್ಲಿ ಮದ್ಯ ದಂಗಡಿಗಳು ಮನೆ ಹಾಗೂ ಶಾಲೆಯ ಸಮೀಪವೇ ತೆರೆಯುತ್ತಿದೆ. ಇದಕ್ಕೆ ಅನುಮತಿ ನೀಡಬಾರದು ಎಂದು ಅಧಿಕಾರಿಯಲ್ಲಿ ಮನವಿ ಸಲ್ಲಿಸಿದರು. 

ಅನಂತರ ಗ್ರಾ.ಪಂ. ಕಚೇರಿಗೆ ಮುತ್ತಿಗೆ ಹಾಕಿದ ನಿವಾಸಿಗಳು, ಪಂಚಾಯತ್‌ ಅಭಿವೃದ್ದಿ ಅಧಿಕಾರಿ ಚಂದ್ರಮೌಳಿ ಅವರಿಗೆ  ಮನವಿ ನೀಡಲಾಯಿತು.