ಕಾರ್ಕಳ ಸಾಹಿತ್ಯ ಸಂಘ: ಚಿಂತನ ಮಾಲೆ

ಕಾರ್ಕಳ: ಸಾಹಿತ್ಯ ಸಂಘದ ವತಿಯಿಂದ ಮೂರು ಚಿಂತನಗಳ ವಿಶೇಷ ಕಾರ್ಯಕ್ರಮ ಹೊಟೇಲ್‌ ಪ್ರಕಾಶ್‌ನ ಸಂಭ್ರಮ ಸಭಾಂಗಣದಲ್ಲಿ  ಆ.31 ರಂದು ನಡೆಯಿತು. ರಾಂ ಎಲ್ಲಂಗಳ ಅವರು ಆಯ್ಕೆ ಬದುಕು ಮತ್ತು ಗಾದೆಗಳ ಕುರಿತು, ಮುನಿರಾಜ ರೆಂಜಾಳ ಅವರು ಸಾಮಾಜಿಕ ಸಾಮರಸ್ಯ ಮತ್ತು ಜೀವನದ ಕುರಿತು,ವಸಂತ ಶೆಟ್ಟಿ ಅವರು ಅಭಿವೃದ್ಧಿ ಮತ್ತು ವಿಶ್ವದ ಕುರಿತು ಚಿಂತನಾ ಕಾರ್ಯಕ್ರಮ ನೀಡಿದರು.

ಸಾಹಿತ್ಯ ಸಂಘದ ಕಾರ್ಯಾಧ್ಯಕ್ಷ ಪ್ರೊ| ಎಂ. ರಾಮಚಂದ್ರ ಅವರು ಸಾಹಿತ್ಯ ಸಂಘದ ವತಿಯಿಂದ ಜರಗಲಿರುವ ವಿವಿಧ ಕಾರ್ಯಕ್ರಮಗಳ ಬಗ್ಗೆ ಮಾಹಿತಿ ನೀಡಿದರು.

ಅಂಡಾರು ಮಹಾವೀರ ಹೆಗ್ಡೆ ಸ್ವಾಗತಿಸಿ, ನಿವೃತ್ತ ಏರ್‌ ಮಾರ್ಷಲ್‌ ರಮೇಶ್‌ ಕಾರ್ಣಿಕ್‌ ಹಾಗೂ ಸಂಘದ ಗೌರವಾಧ್ಯಕ್ಷ ತುಕಾರಾಮ ನಾಯಕ್‌ ಅತಿಥಿಗಳನ್ನು ಸಮ್ಮಾನಿಸಿದರು. ಬಿ.ಕೆ. ಈಶ್ವರ ಮಂಗಲ ಪರಿಚಯಿಸಿ, ಜ್ಯೋತಿ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿ, ಸಂಘದ ಪ್ರದಾನ ಕಾರ್ಯದರ್ಶಿ ಪದ್ಮನಾಭ ಗೌಡ ವಂದಿಸಿದರು.