ಪ್ರೊ ಕಬಡ್ಡಿ : ಪಾಟ್ನಾ ಎದುರು ಜೈಪುರಕ್ಕೆ ಒಂದಂಕದ ಗೆಲುವು

ಪುಣೆ: ಕೊನೆಯ ಹಂತದಲ್ಲಿ ತೀವ್ರ ಪೈಪೋಟಿ ಕಂಡ ರವಿವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ 29-28 ಅಂತರದಿಂದ ಪಾಟ್ನಾ ಪೈರೇಟ್ಸ್‌ಗೆ ಸೋಲುಣಿಸಿತು.

ವಿರಾಮದ ವೇಳೆ ಭಾರೀ ಹಿನ್ನಡೆಯಲ್ಲಿದ್ದ ಜೈಪುರ್‌ ದ್ವಿತೀಯಾರ್ಧದಲ್ಲಿ ತಿರುಗಿ ಬಿತ್ತು. ರೈಡರ್‌ ವಿ. ಅಜಿತ್‌ (16) ಅಮೋಘ ಪ್ರದರ್ಶನ ನೀಡಿ ಜೈಪುರವನ್ನು ಹಳಿಗೆ ಏರಿಸಿದರು. ಇದು 5 ಪಂದ್ಯಗಳಲ್ಲಿ ಜೈಪುರಕ್ಕೆ ಒಲಿದ 2ನೇ ಗೆಲುವು. ಪಾಟ್ನಾ ಪರ ರೈಡರ್‌ಗಳಾದ ಸಚಿನ್‌ ಮತ್ತು ಸಂದೀಪ್‌ ಕುಮಾರ್‌ (ತಲಾ 7 ಅಂಕ) ಉತ್ತಮ ಹೋರಾಟ ಸಂಘಟಿಸಿದರೂ ಪ್ರಯೋಜನವಾಗಲಿಲ್ಲ. ಪಾಟ್ನಾ 5 ಪಂದ್ಯಗಳಲ್ಲಿ 3ನೇ ಸೋಲನುಭವಿಸಿತು.
ಮುಂಬಾ ಜಯ ದ್ವಿತೀಯ ಪಂದ್ಯದಲ್ಲಿ ಯು ಮುಂಬಾ 46-33 ಅಂತರದಿಂದ ತಮಿಳ್‌ ತಲೈವಾಸ್‌ಗೆ ಸೋಲುಣಿಸಿತು.