Pro Kabaddi; ಡೆಲ್ಲಿಯನ್ನು ಕೆಡವಿದ ಹರಿಯಾಣ

ಹೈದರಾಬಾದ್: ದಬಾಂಗ್‌ ಡೆಲ್ಲಿ ಮೇಲೆ ಸವಾರಿ ಮಾಡಿದ ಹರಿಯಾಣ ಸ್ಟೀಲರ್, ಸೋಮವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ 41-34 ಅಂಕಗಳ ಜಯ ಸಾಧಿಸಿದೆ.

ಇದು 3 ಪಂದ್ಯಗಳಲ್ಲಿ ಹರಿಯಾಣಕ್ಕೆ ಒಲಿದ 2ನೇ ಜಯ. ಆಲ್‌ರೌಂಡರ್‌ ಮೊಹಮ್ಮದ್‌ರೇಝ (10 ಅಂಕ), ರೈಡರ್‌ ಶಿವಂ ಪಿ. (8 ಅಂಕ), ನಾಯಕ ಜೈದೀಪ್‌ (5 ಅಂಕ) ಹರಿಯಾಣ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ದಬಾಂಗ್‌ ಡೆಲ್ಲಿ ಪರ ರೈಡರ್‌ ಆಶು ಮಲಿಕ್‌ ಅವರ ಪ್ರದರ್ಶನ ಉನ್ನತ ಮಟ್ಟದಲ್ಲಿತ್ತು. ಅವರು ಪಂದ್ಯದಲ್ಲೇ ಸರ್ವಾಧಿಕ 13 ಅಂಕ ಗಳಿಸಿದರು. ಇದರೊಂದಿಗೆ 500 ರೈಡಿಂಗ್‌ ಅಂಕ ಪೂರ್ತಿಗೊಳಿಸಿದ ಹೆಗ್ಗಳಿಕೆಗೆ ಪಾತ್ರರಾದರು. ಇದು 4 ಪಂದ್ಯಗಳಲ್ಲಿ ಡೆಲ್ಲಿಗೆ ಎರುರಾದ 2ನೇ ಸೋಲು.
ಟೈಟಾನ್ಸ್‌ಗೆ ರೋಚಕ ಜಯ: ಅತ್ಯಂತ ರೋಚಕವಾಗಿ ಸಾಗಿದ 2ನೇ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್‌ 28-26 ಅಂತರ ದಿಂದ ಪಾಟ್ನಾ ಪೈರೇಟ್ಸ್‌ಗೆ ಸೋಲುಣಿಸಿತು.

ಇಂದಿನ ಪಂದ್ಯ
1. ಬೆಂಗಾಲ್‌ vs ಪುಣೇರಿ
ಆರಂಭ: ರಾತ್ರಿ 8 ಗಂಟೆ

2. ಬುಲ್ಸ್‌ vs ಡೆಲ್ಲಿ
ಆರಂಭ: ರಾತ್ರಿ 9 ಗಂಟೆ

ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್