Pro Kabaddi;ಹರಿಯಾಣದ ಅಗ್ರಸ್ಥಾನ ಇನ್ನಷ್ಟು ಗಟ್ಟಿ

ನೋಯ್ಡಾ : ಪ್ರೊ ಕಬಡ್ಡಿ ಪಂದ್ಯಾವಳಿಯಲ್ಲಿ ಹರಿಯಾಣದ ಅಗ್ರ ಸ್ಥಾನ ಇನ್ನಷ್ಟು ಗಟ್ಟಿಗೊಂಡಿದೆ. ಶುಕ್ರವಾರದ ಪಂದ್ಯದಲ್ಲಿ ಅದು ತಮಿಳ್‌ ತಲೈವಾಸ್‌ಗೆ 42-30 ಅಂತರದ ಸೋಲುಣಿಸಿತು.

ಇದು 15 ಪಂದ್ಯಗಳಲ್ಲಿ ಹರಿಯಾಣ ಸಾಧಿಸಿದ 12ನೇ ಗೆಲುವು. ಅಂಕ 61ಕ್ಕೆ ಏರಿದೆ. ರೈಡರ್‌ಗಳಾದ ವಿನಯ್‌ 9, ನವೀನ್‌ ಮತ್ತು ಡಿಫೆಂಡರ್‌ ರಾಹುಲ್‌ ತಲಾ 6 ಅಂಕ ಗಳಿಸಿದರು. ತಲೈವಾಸ್‌ ಪರ ಡಿಫೆಂಡರ್‌ ಮೊಯಿನ್‌ ಶಫಾಗಿ 11 ಅಂಕ ಸಂಪಾದಿಸಿದರು.

ಗುಜರಾತ್‌ಗೆ 9ನೇ ಸೋಲು
ದ್ವಿತೀಯ ಪಂದ್ಯದಲ್ಲಿ ಗುಜರಾತ್‌ ಜೈಂಟ್ಸ್‌ ಒಂದಂಕದಿಂದ ಪುಣೇರಿ ಪಲ್ಟಾನ್‌ಗೆ ಶರಣಾಯಿತು (33-34).