Advertisement
ಗುಜರಾತ್‌ ಪರ ಗಿರೀಶ್‌ ಮಾರುತಿ 7 ಟ್ಯಾಕಲ್‌ ಅಂಕಗಳ ಮೂಲಕ ಮಿಂಚಿದರು. ರೈಡರ್‌ ರಾಕೇಶ್‌ ನರ್ವಾಲ್‌ ಕೂಡ ಒಂದು ಬೋನಸ್‌ ಸೇರಿದಂತೆ 7 ಅಂಕ ಸಂಪಾದಿಸಿದರು. ಮತ್ತೋರ್ವ ರೈಡರ್‌ ರಾಕೇಶ್‌ ಸುಂಗ್ರೋಯ ಕೂಡ ಗಮನಾರ್ಹ ಪ್ರದರ್ಶನ ನೀಡಿ 6 ಅಂಕ ತಂದುಕೊಟ್ಟರು. ಗಿರೀಶ್‌ ಮಾರುತಿ ಅವರಿಗೆ ಸರಿಸಮನಾಗಿ ಪರ್ವೇಶ್‌ ಭೈಂಸ್ವಾಲಾ ಕೂಡ ಟ್ಯಾಕಲ್‌ನಲ್ಲಿ ಮಿಂಚಿದರು. ಇವರಿಂದ 4 ಅಂಕ ಬಂತು. ಒಂದು ಬೋನಸ್‌ ಅಂಕವಾಗಿತ್ತು.ಇನ್ನೊಂದೆಡೆ ಜೈಪುರ್‌ ತಂಡದ ರೈಡರ್‌ ಅರ್ಜುನ್‌ ದೇಶ್ವಾಲ್‌ ಉತ್ತಮ ಹೋರಾಟ ಪ್ರದರ್ಶಿಸಿ 10 ಅಂಕ ತಂದಿತ್ತರೂ ಪ್ರಯೋಜನವಾಗಲಿಲ್ಲ. ಇವರಿಂದ ರೈಡ್‌ ಮೂಲಕ 7, ಬೋನಸ್‌ ರೂಪದಲ್ಲಿ 3 ಅಂಕ ಬಂದಿತ್ತು. ನಾಯಕ ದೀಪಕ್‌ ನಿವಾಸ್‌ ಹೂಡಾ ಆಟ ಸಾಧಾರಣ ಮಟ್ಟದಲ್ಲಿತ್ತು (4 ಅಂಕ). ಸಂದೀಪ್‌ ಧುಲ್‌ ಕೂಡ ಯಶಸ್ಸು ಕಾಣಲಿಲ್ಲ (3 ಅಂಕ).
Related Articles
ಮೋನು ಗೋಯತ್‌ ಅವರ ಜಬರ್ದಸ್ತ್ ರೈಡಿಂಗ್‌ ಪರಾಕ್ರಮದಿಂದ ಹರಿಯಾಣ ಸ್ಟೀಲರ್ ವಿರುದ್ಧದ ದಿನದ ಅಂತಿಮ ಪಂದ್ಯದಲ್ಲಿ ಪಟ್ನಾ ಪೈರೆಟ್ಸ್‌ 42-39 ಅಂತರದ ಗೆಲುವು ದಾಖಲಿಸಿದೆ. ಮೋನು ರೈಡಿಂಗ್‌ನಲ್ಲಿ ಒಟ್ಟು 15ಅಂಕಗಳನ್ನು ಕಲೆಹಾಕಿ ಮಿಂಚಿದರು. ನಾಯಕ ಪ್ರಶಾಂತ್‌ ಕುಮಾರ್‌ ರೈ 7 ಅಂಕ ಗಳಿಸಿದರು.
Advertisement
ದಿಲ್ಲಿ ವಿರುದ್ಧ ಪುನೇರಿ ಪಲ್ಟಿದ್ವಿತೀಯ ಪಂದ್ಯದಲ್ಲಿ ದಬಾಂಗ್‌ ದಿಲ್ಲಿ ವಿರುದ್ಧ ಪುನೇರಿ ಪಲ್ಟಾನ್ಸ್‌ 41-30 ಅಂತರದಿಂದ ಪಲ್ಟಿ ಹೊಡೆಯಿತು. ನವೀನ್‌ ಕುಮಾರ್‌ ಅವರ ಪ್ರಚಂಡ ಹಾಗೂ ಯಶಸ್ವಿ ರೈಡಿಂಗ್‌ ದಿಲ್ಲಿ ಮೇಲುಗೈಯಲ್ಲಿ ಪ್ರಮುಖ ಪಾತ್ರ ವಹಿಸಿತು. ನವೀನ್‌ 16 ಅಂಕ ಗಳಿಸಿದರು.