ನ್ಯೂಯಾರ್ಕ್‌: ಭಾರತದ ತಾರಾ ಬಾಕ್ಸರ್‌ ವಿಕಾಸ್‌ ಕೃಷ್ಣನ್‌ ನ್ಯೂಯಾರ್ಕ್‌ನಲ್ಲಿ ನಡೆಯುತ್ತಿರುವ ಪ್ರೊ ಬಾಕ್ಸಿಂಗ್‌ ಕೂಟದ ಮೊದಲ ಪಂದ್ಯದಲ್ಲಿ ಜಯ ಸಾಧಿಸಿದ್ದಾರೆ.
ಮೊದಲ ಪಂದ್ಯದಲ್ಲಿ ವಿಕಾಸ್‌ ಕೃಷ್ಣನ್‌ ಅಮೆರಿಕದ ಸ್ಟೀವನ್‌ ಆಂಡ್ರೆಡ್‌ ವಿರುದ್ಧ ಗೆಲುವು ಒಲಿಸಿಕೊಂಡರು. ಪ್ರೊ ಬಾಕ್ಸಿಂಗ್‌ಗಾಗಿ ವಿಕಾಸ್‌ ಅಮೆರಿಕದ ಬಾಕ್ಸರ್‌ ಶಕುರ್‌ ಸ್ಟೀವನ್‌ಸನ್‌ ಅವರ ತಾತ ವಾಲೀ ಮೊಸೆಸ್‌ ಅವರಲ್ಲಿ ತರಬೇತಿ ಪಡೆದಿದ್ದಾರೆ.
ವಿಕಾಸ್‌ “ಬಾಬ್‌ ಅರೂಮ್ಸ್‌’ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. ಒಟ್ಟಾರೆ 6 ಸುತ್ತಿನ ಸೂಪರ್‌ ವೆಲ್ಟರ್‌ವೆàಟ್‌ ಸ್ಪರ್ಧೆ ಇದಾಗಿದ್ದು, ಇನ್ನೂ 5 ಸುತ್ತಿನ ಸ್ಪರ್ಧೆಯಲ್ಲಿ ವಿಕಾಸ್‌ ಸೆಣಸಬೇಕಿದೆ.
“ವೃತ್ತಿಪರ ಬಾಕ್ಸಿಂಗ್‌ನ ಮೊದಲ ಪಂದ್ಯದಲ್ಲಿ ಜಯ ದಾಖಲಿಸಿರುವುದು ಸಂತಸದ ಸಂಗತಿ. ಈ ಗೆಲುವು ನನ್ನ ಆತ್ಮವಿಶ್ವಾಸ ಹೆಚ್ಚಿಸಿದೆ’ ಎಂದು ಪಂದ್ಯದ ಬಳಿಕ ಟ್ವಿಟರ್‌ನಲ್ಲಿ ವಿಕಾಸ್‌ ಕೃಷ್ಣನ್‌ ಪ್ರತಿಕ್ರಿಯಿಸಿದ್ದಾರೆ.
ಭಾರತದ ಮತ್ತೋರ್ವ ಯಶಸ್ವಿ ವೃತ್ತಿಪರ ಬಾಕ್ಸರ್‌ ವಿಜೇಂದರ್‌ ಸಿಂಗ್‌ “ಟಾಪ್‌ ರ್‍ಯಾಂಕ್‌ ಪ್ರಮೋಷನ್‌’ ಒಪ್ಪಂದಕ್ಕೆ ಸಹಿ ಹಾಕಿದ್ದು, ಮಾರ್ಚ್‌ ವೇಳೆ ಅಮೆರಿಕದಲ್ಲಿ ನಡೆಯುವ ಪ್ರೊ ಬಾಕ್ಸಿಂಗ್‌ನಲ್ಲಿ ಸ್ಪರ್ಧಿಸಲಿದ್ದಾರೆ.
