ಗಮನ ಸೆಳೆದ ಪ್ರಿಯಾಂಕಾ ಚೋಪ್ರಾ ಟ್ರೆಂಚ್‌ ಕೋಟ್‌: ಫೋಟೋಗಳು ವೈರಲ್‌ 

ನ್ಯೂಯಾರ್ಕ್‌ : ಮೆಟ್ರೋಪೊಲಿಟನ್‌ ಆರ್ಟ್‌ ಮ್ಯೂಸಿಯಂನಲ್ಲಿ ನಡೆದ ‘ಮೆಟ್‌ ಗಲಾ 2017’ರಲ್ಲಿ  ನಟಿ ಮಣಿಯರು ಮಾದಕ ಮೈಮಾಟದಿಂದ ಗಮನ ಸೆಳೆದರೆ ಭಾರತದ ಪ್ರಿಯಾಂಕಾ ಚೋಪ್ರಾ ಮಾತ್ರ ಮಾದಕತೆಯೊಂದಿಗೆ ತನ್ನ ಧಿರಿಸಿನಿಂದಲೂ ಗಮನ ಸೆಳೆದರು. 

ರಾಲ್ಫ್ ಲಾರೆನ್‌ ಡಿಸೈನ್‌ ಮಾಡಿದ ವಿಶಿಷ್ಟವಾದ ಗೌನ್‌ ಧರಿಸಿದ ಕ್ವಾಂಟಿಕೋ ಖ್ಯಾತಿಯ ಪ್ರಿಯಾಂಕ ಎಲ್ಲರ ಕಣ್ಣು ಕುಕ್ಕಿದರು. ಹಿಂಬದಿಯಿಂದ ಉದ್ದನೆಯದಾಗಿ ಇಳಿಯ ಬಿಟ್ಟಿದ್ದ ಎಳೆದೊಯ್ಯುವಷ್ಟಿದ್ದ ಗೌನ್‌ ಎಲ್ಲರ ಗಮನ ಸೆಳೆಯಿತು. 

ಕೆಂಪು ಹಾಸಿನ ಮೇಲೆ ಗೌನ್‌ ಧರಿಸಿ ಪ್ರಿಯಾಂಕ ಹೆಜ್ಜೆ ಹಾಕಿರುವ ಫೋಟೋಗಳು ಭಾರತದಲ್ಲಿ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದ್ದು  ಒಂದಕ್ಕಿಂದ ಒಂದು ಹಾಸ್ಯಮಯ ಕಮೆಂಟ್‌ಗಳು ಬರುತ್ತಿವೆ.