Advertisement
ಐಎಂಎ ಭವನದಲ್ಲಿ ಎಂಎಂಆರ್‌ಎಸ್‌ ಮತ್ತು ಐಎಂಎ ಮಂಗಳೂರು ಶಾಖೆ ವತಿಯಿಂದ ಶನಿವಾರ ಜರಗಿದ ಎಂಎಂಆರ್‌ಎಸ್‌ ಸುವರ್ಣ ಮಹೋತ್ಸವದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
ಮಾಹೆ ಸಹ ಕುಲಾಧಿಪತಿ ಡಾ| ಎಚ್‌.ಎಸ್‌. ಬಲ್ಲಾಳ್‌ ಮಾತನಾಡಿ, ಮಂಗಳೂರಿನಲ್ಲಿ ವೈದ್ಯಕೀಯ ಚಿಕಿತ್ಸೆ ಇನ್ನೂ ಅಭಿವೃದ್ಧಿ ಕಂಡಿರದ ಕಾಲಘಟ್ಟ ದಲ್ಲಿ ಅತ್ಯಾಧುನಿಕ ಚಿಕಿತ್ಸಾ ಸೌಲಭ್ಯಗಳನ್ನು ತರುವಲ್ಲಿ ಎಂಎಂಆರ್‌ಎಸ್‌ ಮಾಡಿರುವ ಕಾರ್ಯ ಉದಾತ್ತವಾದುದು. ಇದರಲ್ಲಿ ಡಾ| ಕೆ.ಆರ್‌. ಶೆಟ್ಟಿ ಮಹತ್ವದ ಪಾತ್ರ ವಹಿಸಿದ್ದಾರೆ ಎಂದರು.
Related Articles
Advertisement
ಯೇನಪೊಯ ವಿ.ವಿ. ಕುಲಾಧಿಪತಿ ವೈ. ಅಬ್ದುಲ್‌ ಕುಂಞಿ ಮಾತನಾಡಿ, ಎಂಎಂಆರ್‌ಎಸ್‌ 50 ವರ್ಷಗಳಿಂದ ವೈದ್ಯಕೀಯ ಕ್ಷೇತ್ರಕ್ಕೆ ಉತ್ತಮ ಸೇವೆ ನೀಡುತ್ತಾ ಬಂದಿದೆ ಎಂದರು.
ಇದನ್ನೂ ಓದಿ:ಹೊಸ ರೂಪಾಂತರಿಯಿಂದ ಆತಂಕ : ಹಲವು ದೇಶಗಳಲ್ಲಿ ಕಟ್ಟೆಚ್ಚರ, ವಿಮಾನಯಾನಕ್ಕೆ ನಿಷೇಧ
ಸಮ್ಮಾನಸಂಸ್ಥೆಯ ಸ್ಥಾಪಕ ಕಾರ್ಯದರ್ಶಿ ಡಾ| ಕೆ.ಆರ್‌. ಶೆಟ್ಟಿ ಅವರನ್ನು ಸಮ್ಮಾನಿಸಲಾಯಿತು. ವೆನ್ಲಾಕ್ ಡಿಎಂಒ ಡಾ| ಸದಾಶಿವ ಶಾನ್‌ಭೋಗ್‌, ಐಎಂಎ ಮಂಗಳೂರು ಘಟಕದ ಅಧ್ಯಕ್ಷ ಡಾ| ಸತ್ಯಮೂರ್ತಿ ಐತಾಳ ಉಪಸ್ಥಿತರಿದ್ದರು. ಎಂಎಂಆರ್‌ಎಸ್‌ ಉಪಾಧ್ಯಕ್ಷ, ಕೆಎಂಸಿ ಡೀನ್‌ ಡಾ| ವೆಂಕಟ್ರಾಯ ಪ್ರಭು ಸ್ವಾಗತಿಸಿದರು. ಕಾರ್ಯಕ್ರಮ ಸಂಯೋಜಕ ಡಾ| ಸಿ.ಕೆ. ಬಲ್ಲಾಳ್‌ ಅವರು, ಕಳೆದ 50 ವರ್ಷಗಳಲ್ಲಿ ಸಂಸ್ಥೆ ಸಾಗಿಬಂದ ಹಾದಿಯನ್ನು ವಿವರಿಸಿದರು. ಲೇಡಿಗೋಶನ್‌ ಆಸ್ಪತ್ರೆಗೆ ಸಂಸ್ಥೆಯ ವತಿಯಿಂದ ಸೂಪರ್‌ ಸ್ಪೆಷಾಲಿಟಿ ಪ್ರಸೂತಿ ವಿಭಾಗಕ್ಕೆ ಸೌಲಭ್ಯ ನೀಡುವ ಯೋಜನೆ ಬಗ್ಗೆ ಸೊಸೈಟಿಯ ಕಾರ್ಯದರ್ಶಿ ಡಾ| ಪ್ರಿಯಾ ಬಲ್ಲಾಳ್‌ ವಿವರಿಸಿದರು. ಖಜಾಂಚಿ ಡಾ| ಅಜಯ್‌ ಕಾಮತ್‌ ನಿರೂಪಿಸಿ ವಂದಿಸಿದರು. ಧರ್ಮಸ್ಥಳದಿಂದ 2 ಡಯಾಲಿಸಿಸ್‌ ಯಂತ್ರ
ಶ್ರೀ ಕ್ಷೇತ್ರ ಧರ್ಮಸ್ಥಳದ ವತಿಯಿಂದ ಜಿಲ್ಲಾ ವೆನ್ಲಾಕ್ ಗೆ 2 ಡಯಾಲಿಸಿಸ್‌ ಯಂತ್ರ ಗಳನ್ನು ನೀಡುತ್ತಿದ್ದು ಕೆಲವೇ ದಿನಗಳಲ್ಲಿ ಆಸ್ಪತ್ರೆಗೆ ಬರಲಿದೆ. ವೆನ್ಲಾಕ್ ನಲ್ಲಿ ರೋಗಿಗಳ ಜತೆ ಬರುವವರಿಗೆ ಉಳಿದುಕೊಳ್ಳಲು ಕ್ಷೇತ್ರದಿಂದ 2 ಧರ್ಮಶಾಲೆಗಳನ್ನು ಈಗಾಗಲೇ ನಿರ್ಮಿಸಿಕೊಡಲಾಗಿದೆ ಎಂದು ಡಾ| ಡಿ. ವೀರೇಂದ್ರ ಹೆಗ್ಗಡೆ ಅವರು ಹೇಳಿದರು.