ಅಂಧತ್ವ ನಿವಾರಣೆಗೆ ಐದು ಕೋಟಿ ರೂ. ಬೆಲೆಯ ಔಷಧ!

ನ್ಯೂಯಾರ್ಕ್‌: ಆನುವಂಶೀಯ ಅಂಧತ್ವ ನಿವಾರಣೆಗೆ ಕಂಡು ಹಿಡಿದಿರುವ ನೂತನ ಔಷಧದ ಬೆಲೆ ಎಷ್ಟು ಗೊತ್ತೇ? 5 ಕೋಟಿ ರೂ.! ಲುಕ್ಸ್‌ಟರ್ನಾ ಎಂಬ ಹೆಸರಿನ ಇದು ವಿಶ್ವದ ಅತ್ಯಂತ ದುಬಾರಿ ಔಷಧ ವಂತೆ. ಅಮೆರಿಕದಲ್ಲಿ ಇದು ಈಗ ಮಾರುಕಟ್ಟೆಗೆ ಬಂದಿದೆ. ಫಿಲಡೆಲ್ಫಿಯಾ ಮೂಲದ ಸ್ಪಾರ್ಕ್‌ ಥೆರಪಾಟಿಕ್ಸ್‌ ಈ ಔಷಧವನ್ನು ತಯಾರಿಸಿದ್ದು, ಸಮಸ್ಯೆ ನಿವಾರಣೆಗೆ ಒಂದು ಡೋಸ್‌ ಸಾಕು ಎಂದು ಹೇಳಿದೆ.

ಈ ಔಷಧ ದುಬಾರಿ ಎಂಬ ಆರೋಪ ಕೇಳಿಬಂದ ಹಿನ್ನೆಲೆಯಲ್ಲಿ, ಸಮಸ್ಯೆ ನಿವಾರಣೆಯಾಗದಿದ್ದರೆ ಔಷಧದ ಮೊತ್ತವನ್ನು ವಾಪಸ್‌ ಮಾಡಲಾಗುವುದು ಎಂದು ಕಂಪನಿ ಹೇಳಿದೆ. ಸದ್ಯ ವಿಶ್ವದಲ್ಲಿ ಆನುವಂಶಿಕ ದೃಷ್ಟಿದೋಷದ 1000 ಪ್ರಕರಣಗಳು ಕಂಡುಬಂದಿವೆ.