ಪ್ರಧಾನಿ ಮೋದಿಗೆ ತೊಗಾಡಿಯಾ ಪತ್ರ

ನವದೆಹಲಿ: ಬಿಜೆಪಿ ಸಖ್ಯ ಕಳೆದುಕೊಳ್ಳುವ ಮಟ್ಟಕ್ಕೆ ಅಸಮಾಧಾನಗೊಂಡಿರುವ ವಿಶ್ವ ಹಿಂದೂ ಪರಿಷತ್‌ ಮುಖಂಡ ಪ್ರವೀಣ್‌ ತೊಗಾಡಿಯಾ ಇದೀಗ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಪತ್ರ ಮುಖೇನ ತಮ್ಮ ನಿವೇದನೆ, ನಿಲುವು ತಲುಪಿಸುವ ಪ್ರಯತ್ನ ಮಾಡಿದ್ದಾರೆ.

ಬುಧವಾರ ನಾಲ್ಕು ಪುಟಗಳ ಪತ್ರದಲ್ಲಿ ಸುದೀರ್ಘ‌ವಾಗಿ ಭಿನ್ನಾಭಿಪ್ರಾಯಕ್ಕೆ ಕಾರಣಗಳನ್ನೆಲ್ಲ ವಿವರಿಸಿರುವ ತೊಗಾಡಿಯಾ, “ಚುನಾವಣೆಯಲ್ಲಿ ಗೆಲುವು ಸಾಧಿಸುವುದು ಪ್ರತಿಷ್ಠೆ, ಮತದಾರರ ಪಟ್ಟಿ ಹಾಗೂ ಇವಿಎಂಗಳ ಆಟವಷ್ಟೆ. ಆದರೆ, ಜನರಿಗೆ ನೀಡಿರುವ ಭರವಸೆಗಳನ್ನು ಈಡೇರಿಸುವುದರಿಂದ ನಾಯಕನಾದವ ಜನನಾಯಕನಾಗುತ್ತಾನೆ. ಅಧಿಕಾರ ಮತ್ತು ಪರಮಾಧಿಕಾರವನ್ನು ಹಠ ಸಾಧನೆಗೆ ಬಳಕೆ ಮಾಡಿಕೊಳ್ಳಲು ಹೋಗಬೇಡಿ.  ಎಂದು ಮನವಿ ಮಾಡಿದ್ದಾರೆ.