Viral Video: ಕೇದರನಾಥದ ಎದುರು ಪ್ರೇಮನಿವೇದನೆ- ವಿಡಿಯೊ ವೈರಲ್‌

ಡೆಹ್ರಾಡೂನ್‌: ವಿಶ್ವ ಪ್ರಸಿದ್ಧ ತೀರ್ಥ ಕ್ಷೇತ್ರ ಕೇದರನಾಥ ದೇಗುಲದ ಎದುರು ಮಹಿಳೆಯೊಬ್ಬರು ತನ್ನ ಹುಡುಗನಿಗೆ ಲವ್‌ ಪ್ರಪೋಸ್‌ ಮಾಡಿದ ಘಟನೆಯ ವಿಡಿಯೊ ವೈರಲ್‌ ಆಗಿದೆ. ವಿಡಿಯೊದಲ್ಲಿ, ಹಳದಿ ಬಣ್ಣದ ಸಾಂಪ್ರದಾಯಿಕ ದಿರಿಸಿನಲ್ಲಿರುವ ಇಬ್ಬರು ಜೋಡಿಗಳು ಕೇದಾರನಾಥ ದೇಗುಲದ ಎದುರು ನಿಂತಿದ್ದಾರೆ.

ಈ ವೇಳೆ ಮಹಿಳೆ, ಆತನಿಗೆ ಗೊತ್ತಿಲ್ಲದಂತೆ ಆತನ ಮುಂದೆ ಮುಂಡಿಯೂರಿ ಚಿನ್ನದ ಉಂಗುರ ನೀಡಿ ಪ್ರಪೋಸ್‌ ಮಾಡುತ್ತಾಳೆ. ನಂತರ ಇಬ್ಬರು ಪರಸ್ಪರ ಅಪ್ಪಿಕೊಳ್ಳುತ್ತಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಪರ-ವಿರೋಧದ ಚರ್ಚೆಗೆ ಕಾರಣವಾಗಿದೆ. ಧಾರ್ಮಿಕ ಕ್ಷೇತ್ರದಲ್ಲಿ ನಾಗರಿಕರು ಹೇಗೆ ನಡೆದುಕೊಳ್ಳಬೇಕು ಎಂಬುದನ್ನು ಕಲಿಯಬೇಕು. ಈ ರೀತಿಯ ಪವಿತ್ರ ಕ್ಷೇತ್ರಗಳಲ್ಲಿ ಭಕ್ತಿಯೇ ಪ್ರಮುಖವಾಗಿರಬೇಕು ಎಂದು ಅನೇಕ ನೆಟ್ಟಿಗರು ಯುವ ಜನರಿಗೆ ಸಲಹೆ ನೀಡಿದ್ದಾರೆ.