PPP ನಾಯಕ ಜರ್ದಾರಿ 2ನೇ ಬಾರಿ ಪಾಕಿಸ್ಥಾನ ಅಧ್ಯಕ್ಷ

ಇಸ್ಲಾಮಾಬಾದ್‌: ಪಾಕಿಸ್ಥಾನ ಪೀಪಲ್ಸ್‌ ಪಕ್ಷದ ನಾಯಕ ಆಸಿಫ್ ಅಲಿ ಜರ್ದಾರಿ ಪಾಕಿಸ್ಥಾನದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಈ ಮೂಲಕ ಪಾಕಿಸ್ಥಾನದಲ್ಲಿ 2 ಬಾರಿ ಅಧ್ಯಕ್ಷ ಗಾದಿ ಏರಿದ ಹಿರಿಮೆಗೆ ಜರ್ದಾರಿ ಪಾತ್ರರಾಗಿ­ದ್ದಾರೆ. ಪಾಕ್‌ ಸಂಸತ್‌ನ ಕೆಳಮನೆ ನ್ಯಾಶನಲ್‌ ಅಸೆಂಬ್ಲಿಯ ಹೊಸ ಸದಸ್ಯರು ಚುನಾವಣೆಯಲ್ಲಿ ಭಾಗವಹಿಸಿದ್ದರು. ಜರ್ದಾರಿ ಅವರಿಗೆ 225 ಮತಗಳು ಪ್ರಾಪ್ತವಾದವು. ಅವರ ಪ್ರತಿಸ್ಪರ್ಧಿ 119 ಮತಗಳನ್ನು ಪಡೆದರು.

ಇದುವರೆಗೆ ಪಾಕಿಸ್ಥಾನದ ಅಧ್ಯಕ್ಷರಾಗಿದ್ದ ರಶೀದ್‌ ಅಳ್ವಿ ಅವರ ಅಧಿಕಾರದ ಅವಧಿ 1 ವರ್ಷದ ಹಿಂದೆಯೇ ಮುಕ್ತಾಯವಾಗಿತ್ತು. ರಾಜಕೀಯ ಕಾರಣಗಳಿಂದಾಗಿ ಅಳ್ವಿ ಅಧಿಕಾರದ ಅವಧಿ ವಿಸ್ತರಿಸಲಾಗಿತ್ತು.