Policy: ವಿಮಾನ ನಿಲ್ದಾಣದಲ್ಲಿ ಅಪ್ಪುಗೆಗೆ ಸಮಯ ಮಿತಿ ಹೇರಿದ ನ್ಯೂಜಿಲೆಂಡ್‌ ಸರಕಾರ!

ಹೊಸದಿಲ್ಲಿ: ನ್ಯೂಜಿಲೆಂಡ್‌ನ‌ ಡುನೆಡಿನ್‌ ವಿಮಾನ ನಿಲ್ದಾಣದಲ್ಲಿ ಆಲಂಗಿಸಲು ಸಮಯ ಮಿತಿ ಹೇರಲಾಗಿದೆ. ಈ ಬಗ್ಗೆ ಹಾಕಲಾದ ಫ‌ಲಕವೊಂದು ಎಲ್ಲೆಡೆ ಚರ್ಚೆಗೆ ಗ್ರಾಸವಾಗಿದೆ. ಅದರಲ್ಲಿ “ಅಪ್ಪಿಕೊಳ್ಳಲು ಗರಿಷ್ಠ ಸಮಯ 3 ನಿಮಿಷ. ಹೆಚ್ಚು ಪ್ರೀತಿಯ ವಿದಾಯಕ್ಕಾಗಿ ದಯವಿಟ್ಟು ಕಾರ್‌ ಪಾರ್ಕಿಂಗ್‌ ಸ್ಥಳ ಬಳಸಿ’ ಎಂದು ಬರೆಯಲಾಗಿದೆ.

ಈ ಬಗ್ಗೆ ಸಂದರ್ಶನವೊಂದರಲ್ಲಿ ಡುನೆಡಿನ್‌ ವಿಮಾನ ನಿಲ್ದಾಣದ ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಡೇನಿಯಲ್‌ ಡೆ ಬೊನೊ ಮಾತನಾಡಿ “ವಿಮಾನ ನಿಲ್ದಾಣಗಳು ಭಾವನೆಗಳು ಹೆಚ್ಚಾಗಿರುವ ತಾಣ. ಸಂಶೋಧನೆಯ ಪ್ರಕಾರ 20 ಸೆಕೆಂಡ್‌ ಅಪ್ಪಿಕೊಂಡರೆ ಸಾಕು. ಪ್ರೀತಿಯ ಹಾರ್ಮೋನು ಆಕ್ಸಿಟೋಸಿನ್‌ ಉತ್ಪತ್ತಿಯಾಗುತ್ತದೆ’ ಎಂದು ಹೇಳಿದ್ದಾರೆ. ಈ ನಿರ್ಣಯಕ್ಕೆ ನೆಟ್ಟಿಗರು ವಿವಿಧ ಅಭಿಪ್ರಾಯಗಳನ್ನು ನೀಡಿದ್ದಾರೆ.