Uppinangady ಗುಡ್ಡ ಜರಿತಕ್ಕೆ ಹೂತು ಹೋದ ಪೊಲೀಸ್‌ ವಾಹನ

ಉಪ್ಪಿನಂಗಡಿ: ಸತತ ಗುಡ್ಡ ಕುಸಿತಕ್ಕೆ ಸಿಲುಕಿರುವ ಶಿರಾಡಿ ಘಾಟ್‌ ಪರಿಸರದಲ್ಲಿ ಮತ್ತೆ ಗುಡ್ಡ ಜರಿತ ಸಂಭವಿಸಿದ್ದು, ಪೊಲೀಸ್‌ ವಾಹನವೊಂದು ಗುಡ್ಡ ಜರಿತದ ಮಣ್ಣಿನಲ್ಲಿ ಸಿಲುಕಿದೆ.

ಶಿರಾಡಿ ಘಾಟ್‌ ಪರಿಸರದ ಸಕಲೇಶಪುರ ತಾಲೂಕಿನ ದೊಡ್ಡತಪ್ಪಲೆ ಯ ರಾಷ್ಟ್ರೀಯ ಹೆದ್ದಾರಿ 75ರಲ್ಲಿ ಮಣ್ಣು ಜರಿತ ಸಂಭವಿಸಿದ್ದು, ಸಂಚಾರ ನಿಯಂತ್ರಣದ ಕಾರಣಕ್ಕೆ ಹೆದ್ದಾರಿ ಬದಿ ನಿಲ್ಲಿಸಲಾದ ಪೊಲೀಸ್‌ ಇಲಾಖೆಯ ವಾಹನವೇ ಗುಡ್ಡ ಜರಿತದ ಮಣ್ಣಿನ ಸಿಲುಕಿದೆ. ತತ್‌ಕ್ಷಣವೇ ಮಣ್ಣನ್ನು ತೆರವುಗೊಳಿಸಿ ಪೊಲೀಸ್‌ ವಾಹನವನ್ನು ಮೇಲಕ್ಕೆತ್ತಿ ಸ್ಥಳಾಂತರಿಸಲಾಯಿತು.