POK ನಮ್ಮದಲ್ಲ: ಪಾಕ್‌ ಸರಕಾರ! ನಮ್ಮ ಕಾನೂನು ಅಲ್ಲಿ ಅನ್ವಯವಾಗದು: ಅಟಾರ್ನಿ ಜನರಲ್‌

ಇಸ್ಲಾಮಾಬಾದ್‌: ಪಾಕ್‌ ಆಕ್ರಮಿತ ಕಾಶ್ಮೀರ (ಪಿಒಕೆ) ಪ್ರದೇಶವು ನಮ್ಮದಲ್ಲ ಎಂದು ಪಾಕಿಸ್ಥಾನ ಇದೇ ಮೊದಲ ಬಾರಿಗೆ ಒಪ್ಪಿ ಕೊಂಡಿದೆ. ಕಾಶ್ಮೀರಿ ಕವಿಯ ಅಪಹರಣ ಪ್ರಕರಣ ಸಂಬಂಧ ಇಲ್ಲಿನ ಹೈಕೋರ್ಟ್‌ನಲ್ಲಿ ಪಾಕ್‌ ಸರಕಾರ ಹೀಗೆ ಹೇಳಿದೆ.

ರಾವಲ್ಪಿಂಡಿಯಿಂದ ಅಪಹರಣಕ್ಕೀಡಾದ ಅಹ್ಮದ್‌ ಫ‌ಹಾದ್‌ ಶಾ ಅವರ ಪ್ರಕರಣದ ವಿಚಾರಣೆ ವೇಳೆ ಪಾಕ್‌ ಸರಕಾರದ ಪರ ಹಾಜರಿದ್ದ ಹೆಚ್ಚುವರಿ ಅಟಾರ್ನಿ ಜನರಲ್‌ ಅವರು, ಪಿಒಕೆ ನಮ್ಮ ಆಡಳಿತದ ಪರಿಧಿಯಲ್ಲಿಲ್ಲ. ನಮ್ಮ ಕಾನೂನು ಅಲ್ಲಿ ಅನ್ವಯವಾಗುವುದಿಲ್ಲ’ ಎಂದಿದ್ದಾರೆ. ಫ‌ಹಾದ್‌ ಅವರು ಪಿಒಕೆ ಪೊಲೀಸರ ವಶದಲ್ಲಿದ್ದು,
ಅದು ವಿದೇಶಿ ನೆಲವಾದ ಕಾರಣ ಅವರನ್ನು ಕೋರ್ಟ್‌ಗೆ ಹಾಜರುಪಡಿಸಲು ಸಾಧ್ಯವಿಲ್ಲ ಎಂದೂ ಹೇಳಿದ್ದಾರೆ.

ಮೇ 15ರಂದು ಫ‌ಹಾದ್‌ ಅವರನ್ನು ಅಪ ಹರಿಸಲಾಗಿದೆ ಎಂದು ಪಾಕ್‌ ಗುಪ್ತಚರ ಇಲಾಖೆ ಮಾಹಿತಿ ನೀಡಿದೆ. ಅವರು ಪಿಒಕೆ ಯಲ್ಲಿಲ್ಲ. ಸರಕಾರ ಸುಳ್ಳು ಹೇಳುತ್ತಿದೆ ಎಂದು ಅವರ ಕುಟುಂಬ ಆರೋಪಿಸಿದೆ.