ಹೊಸದಿಲ್ಲಿ : ಮುಂದಿನ ತಿಂಗಳು ಎಪ್ರಿಲ್‌ 12ರಂದು ತೆರೆ ಕಾಣಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರ ಬಯೋಪಿಕ್‌ನಲ್ಲಿ ಮೋದಿಯಾಗಿ ಕಾಣಿಸಲಿರುವ ಬಾಲಿವುಡ್‌ ನಟ ವಿವೇಕ್‌ ಒಬೆರಾಯ್‌ ಅವರು ಈ ಹೊಸ ಚಿತ್ರದಲ್ಲಿ 9 ರೀತಿಯಲ್ಲಿ ವೈವಿಧ್ಯಮಯವಾಗಿ ಕಾಣಿಸಿಕೊಂಡಿರುವ photo ಗಳನ್ನು ಸಿನಿಮಾ ವಿಮರ್ಶಕ ಮತ್ತು ಸಿನೆ ಉದ್ಯಮ ವಿಶ್ಲೇಷಕ ತರಣ್‌ ಆದಶ್‌ ಅವರು ಟ್ವಿಟರ್‌ ನಲ್ಲಿ ಹಂಚಿಕೊಂಡಿದ್ದಾರೆ.
ಉಮಂಗ್‌ ಕುಮಾರ್‌ ನಿರ್ದೇಶನದ, ಸಂದೀಪ್‌ ಸಿಂಗ್‌, ಆನಂದ್‌ ಪಂಡಿತ್‌ ಮತ್ತು ಸುರೇಶ್‌ ಒಬೆರಾಯ್‌ ಜಂಟಿ ನಿರ್ಮಾಣದ, ಪಿಎಂ ನರೇಂದ್ರ ಮೋದಿ ಬಯೋಪಿಕ್‌ನಲ್ಲಿ ವಿವೇಕ್‌ ಒಬೆರಾಯ್‌ ಅವರಿಂದ ಮೋದಿ ಪಾತ್ರ ನಿರ್ವಹಣೆ ಅದ್ಭುತವಾಗಿದೆ ಎಂದು ಆದಶ್‌ ಹೇಳಿಕೊಂಡಿದ್ದಾರೆ.
ವಿವೇಕ್‌ ಅವರು ಇದೇ ಮೊದಲ ಬಯೋಪಿಕ್‌ ಒಂದರಲ್ಲಿ ನಟಿಸುತ್ತಿದ್ದು ಅದು ಪಿಎಂ ಮೋದಿ ಬಯೋಪಿಕ್‌ ಆಗಿರುವುದು ಅದೃಷ್ಟಕರ ಎಂದು ಆದರ್ಶ್‌ ಹೇಳಿದ್ದಾರ.
ಮೋದಿ ಬಯೋಪಿಕ್‌ ಚಿತ್ರದಲ್ಲಿ ಬೋಮನ್‌ ಇರಾನ, ಮನೋಜ್‌ ಜೋಷಿ, ಪ್ರಶಾಂತ್‌ ನಾರಾಯಣನ್‌, ಬರ್ಖಾ ಬಿಷ್‌ಟ್‌, ರಾಜೇಂದ್ರ ಗುಪ್ತಾ, ಝರೀನಾ ವಹಾಬ್‌ ಮತ್ತು ಇತರ ಅನೇಕ ನಟಿಸಿದ್ದಾರೆ.
