ಅಹ್ಮದಾಬಾದ್‌ನಲ್ಲಿ ಮೋದಿ, ನೆತನ್ಯಾಹು ವರ್ಣರಂಜಿತ ರೋಡ್‌ ಶೋ

ಅಹ್ಮದಾಬಾದ್‌ : ಪ್ರಧಾನಿ ನರೇಂದ್ರ ಮೋದಿ ಮತ್ತು ಇಸ್ರೇಲಿ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಅವರಿಂದು ಬುಧವಾರ ಅಹ್ಮದಾಬಾದ್‌ಗೆ ಆಗಮಿಸಿ ಬೃಹತ್‌ ರೋಡ್‌ ಶೋ ನಲ್ಲಿ ಭಾಗವಹಿಸಿದರು.

ನೆತನ್ಯಾಹು ಅವರಿಗೆ ಅದ್ದೂರಿಯ ಸ್ವಾಗತ ನೀಡಲಾಯಿತು. ಇದೀಗ ಸಾಗುತ್ತಿರುವ ರೋಡ್‌ ಶೋ ಬಳಿಕ ಈ ಇಬ್ಬರು ವಿಶ್ವ ನಾಯಕರು ಇಂದು ಅನೇಕ ಕಾರ್ಯಕ್ರಗಮಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ. 

ಪ್ರಧಾನಿ ಮೋದಿ ಮತ್ತು ಇಸ್ರೇಲಿ ನಾಯಕ ನೆತನ್ಯಾಹು ಅವರು ಇಂದು ಮೊದಲಾಗಿ ಸಾಮರಮತಿ ಆಶ್ರಮಕ್ಕೆ ಭೇಟಿ ನೀಡಿದರು. 

ಉಭಯ ನಾಯಕರು ಬೆಳಗ್ಗೆ ವಿಮಾನ ನಿಲ್ದಾಣದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡರು. ನೆತನ್ಯಾಹು ಅವರೊಂದಿಗೆ ಪತ್ನಿ ಸಾರಾ ನೆತನ್ಯಾಹು ಇದ್ದರು. ಅವರನ್ನು ಪ್ರಧಾನಿ ಮೋದಿ ಸ್ವಾಗತಿಸಿದರು.