PM Modi: ಮೋದಿ 3ನೇ ಅವಧಿ ಮೊದಲ ವಿದೇಶ ಪ್ರವಾಸ ಇಟಲಿಗೆ?

ಹೊಸದಿಲ್ಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ವಾರಾಂತ್ಯದಲ್ಲಿ  3ನೇ ಅಧಿಕಾರಾವಧಿಯಲ್ಲಿ ಮೊದಲ ವಿದೇಶ ಪ್ರವಾಸ ಕೈಗೊಳ್ಳಲಿದ್ದಾರೆ. ಮೂಲಗಳ ಪ್ರಕಾರ ಅವರು ಜೂ.13-15ರ ವರೆಗೆ ಇಟಲಿಗೆ ತೆರಳಿದ್ದಾರೆ. ಬೊರ್ಗೊ ಎಗ್ನಾಜಿಯಾದಲ್ಲಿ ಜಿ7 ಸಭೆ ಆಯೋಜನೆಗೊಂಡಿದೆ.

ಜೂ. 14ರಂದು ಮೋದಿ ಈ ಸಭೆಯಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ ಇದೆ. ಕಳೆದ ವರ್ಷ ಭಾರತದಲ್ಲಿ ನಡೆದ ಜಿ20 ಶೃಂಗ ಸಭೆಯಲ್ಲಿ ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೊನಿ ಭಾಗವಹಿಸಿದ್ದರು. ಈ ಮೂಲಕ ದ್ವಿಪಕ್ಷಿಯ ಸಂಬಂಧ ಮತ್ತಷ್ಟು ಬಲಗೊಂಡಿತ್ತು. ಜಿ7 ಸಭೆಯಲ್ಲಿ ಪಾಲ್ಗೊಳ್ಳಲು ಕಳೆದ ಎಪ್ರಿಲ್‌ನಲ್ಲೆ ಪ್ರಧಾನಿ ಮೋದಿ ಅವರಿಗೆ ಇಟಲಿಯ ಪ್ರಧಾನಿ ಮೆಲೊನಿ ಆಹ್ವಾನ ನೀಡಿದ್ದರು.