ವಿಶ್ವದ ಅತೀ ಹೆಚ್ಚು ಪ್ರಶಂಸಿತ 10 ನಾಯಕರಲ್ಲಿ ಮೋದಿಗೆ 8ನೇ ಸ್ಥಾನ

ಹೊಸದಿಲ್ಲಿ : ವಿಶ್ವದಲ್ಲಿ ಅತ್ಯಧಿಕ ಪ್ರಶಂಸೆಗೆ ಪಾತ್ರರಾಗಿರುವ ಹತ್ತು ಅಗ್ರ ನಾಯಕರ ಪಟ್ಟಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಎಂಟನೇ ಸ್ಥಾನ ಪ್ರಾಪ್ತವಾಗಿದೆ. 

ಮೋದಿ ಅವರು ಈ ಪಟ್ಟಿಯಲ್ಲಿ ಟಿಬೆಟ್‌ ಧರ್ಮಗುರು ದಲಾಯಿ ಲಾಮಾ ಅವರಿಗಿಂತ ಒಂದು ಸ್ಥಾನ ಹಿಂದಿದ್ದಾರೆ; ಐಕಾನಿಕ್‌ ಬಾಲಿವುಡ್‌ ನಟ ಅಮಿತಾಭ್‌ ಬಚ್ಚನ್‌ ಅವರಿಗಿಂತ ಒಂದು ಸ್ಥಾನ ಮುಂದಿದ್ದಾರೆ. 

ಬಿಲ್‌ ಗೇಟ್ಸ್‌ ಅವರು ಪುರುಷರ ಪಟ್ಟಿಯಲ್ಲಿ ನಂಬರ್‌ ಒನ್‌ ಸ್ಥಾನದಲ್ಲಿದ್ದಾರೆ. ಮಹಿಳೆಯರ ಪಟ್ಟಿಯ ಅಗ್ರಸ್ಥಾನವನ್ನು ಏಂಜಲಿನಾ ಜೋಲಿ ಅಲಂಕರಿಸಿದ್ದಾರೆ. 

ಪ್ರಧಾನಿ ನರೇಂದ್ರ ಮೋದಿ ಅವರು ಈ ಬಾರಿಯ ಪಟ್ಟಿಯಲ್ಲಿ ಕಳೆದ ಬಾರಿಗಿಂತ ಒಂದು ಸ್ಥಾನ ಮುಂದಕ್ಕೆ ಹೋಗಿದ್ದಾರೆ. 

ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್‌ ಒಬಾಮಾ (2), ಚೀನ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ (4), ರಶ್ಯ ಅಧ್ಯಕ್ಷ  ವ್ಲಾದಿಮಿರ್‌ ಪುಟಿನ್‌ (6) ಈ ಪಟ್ಟಿಯಲ್ಲಿ ವಿರಾಜಿಸಿದ್ದಾರೆ.