ಇಥಿಯೋಪಿಯನ್‌ ಬೋಯಿಂಗ್‌ ಪತನ: ಪ್ಯಾರಿಸ್‌ನಲ್ಲಿ ತನಿಖೆ ಆರಂಭ

ಆ್ಯಡಿಸ್‌ ಎಬಾಬಾ : 157 ಮಂದಿಯ ಸಾವಿಗೆ ಕಾರಣವಾದ ಇಥಿಯೋಪಿಯದ ಬೋಯಿಂಗ್‌ ಜೆಟ್‌ ವಿಮಾನ ಪತನದ ಕಾರಣವನ್ನು ತಿಳಿಯುವ ತನಿಖೆಯು ಪ್ಯಾರಿಸ್‌ನಲ್ಲಿ ಆರಂಭವಾಗಿದೆ ಎಂದು ಇಥಿಯೋಪಿಯನ್‌ ಏರ್‌ ಲೈನ್ಸ್‌ ಇಂದು ಶುಕ್ರವಾರ ತಿಳಿಸಿದೆ. 

ನೈರೋಬಿಗೆ ಹೋಗುತ್ತಿದ್ದಾಗ  ಪತನಗೊಂಡಿದ್ದ ಇಥಿಯೋಪಿಯನ್‌ ಏರ್‌ ಲೈನ್ಸ್‌ ವಿಮಾನದ ಎರಡು ಬ್ಲ್ಯಾಕ್‌ ಬಾಕ್ಸ್‌ಗಳನ್ನು ತನಿಖೆಗಾಗಿ ಪ್ಯಾರಿಸ್‌ಗೆ ಕಳೆದ ಮಂಗಳವಾರ ಒಯ್ಯಲಾಗಿದೆ. ಬೋಯಿಂಗ್‌ ವಿಮಾನವು ಆ್ಯಡಿಸ್‌ ಎಬಾಬಾದಿಂದ ಟೇಕಾಫ್ ಆದ ಆರೇ ನಿಮಿಷಗಳಲ್ಲಿ ಪತನಗೊಂಡಿತ್ತು. 

ಪತನದಲ್ಲಿ ಹಾನಿಗೊಂಡಿರುವ ಕಾಕ್‌ ಪಿಟ್‌ ವಾಯ್‌ಸ್‌ ಮತ್ತು ಫ್ಲೈಟ್‌ ರೆಕಾರ್ಡರ್‌ಗಳಿಂದ ಮಾಹಿತಿ ಪಡೆಯಲು ಬಿಇಎ ತನಿಖಾಧಿಕಾರಿಗಳು ಯತ್ನಿಸಲಿದ್ದಾರೆ ಎಂದು ಏರ್‌ ಲೈನ್ಸ್‌ ಹೇಳಿದೆ.