PKL 11: ಯೋಧಾಸ್‌ ವಿರುದ್ಧ ಗೆದ್ದ ಪ್ಯಾಂಥರ್

ಹೈದರಾಬಾದ್‌: ಮಂಗಳವಾರದ ಪ್ರೊ ಕಬಡ್ಡಿ ಮುಖಾಮುಖಿಯಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ ತಂಡ ಯುಪಿ ಯೋಧಾಸ್‌ ವಿರುದ್ಧ 33-30 ಅಂತರದ ರೋಚಕ ಗೆಲುವು ಕಂಡಿತು. ಇದರೊಂದಿಗೆ ಪ್ಯಾಂಥರ್ ಆರರಲ್ಲಿ 3 ಪಂದ್ಯ ಗೆದ್ದರೆ, ಯೋಧಾಸ್‌ ಏಳರಲ್ಲಿ 4ನೇ ಸೋಲು ಅನುಭವಿಸಿತು.

ಜೈಪುರ್‌ ಪರ ನೀರಜ್‌ ನರ್ವಾಲ್‌ 9, ಅರ್ಜುನ್‌ ದೇಶ್ವಾಲ್‌ ಮತ್ತು ರೇಜ ಮಿರ್ಬಗೇರಿ ತಲಾ 5 ಅಂಕ; ಯೋಧಾಸ್‌ ಪರ ಭರತ್‌ 7, ಹಿತೇಶ್‌ ಮತ್ತು ಸುಮಿತ್‌ ತಲಾ 5 ಅಂಕ ಗಳಿಸಿದರು.

ಆರಂಭದಿಂದಲೂ ಇತ್ತಂಡಗಳ ಮಧ್ಯೆ ಜಿದ್ದಾಜಿದ್ದಿ ಸೆಣಸಾಟ ಏರ್ಪಟ್ಟಿತು. ಆದರೆ ಆಲೌಟ್‌ನಲ್ಲಿ ಹೆಚ್ಚು ಅಂಕ ಗಳಿಸಿದ ಪ್ಯಾಂಥರ್ ಕೈ ಮೇಲಾಯಿತು. ಜೈಪುರ್‌ 14 ರೈಡ್‌, 14 ಟ್ಯಾಕಲ್‌, 4 ಆಲೌಟ್‌ ಮತ್ತು ಒಂದು ಹೆಚ್ಚುವರಿ ಅಂಕ ಗೆದ್ದರೆ, ಯೋಧಾಸ್‌ ತಂಡ 15 ರೈಡ್‌, 14 ಟ್ಯಾಕಲ್‌, ಒಂದು ಹೆಚ್ಚುವರಿ ಅಂಕ ಗಳಿಸಿ ಹೋರಾಟ ನೀಡಿತು.