ಸೇನಾ ಶಾಲೆ ದಾಳಿಯ ಇಬ್ಬರು ದೋಷಿಗಳಿಗೆ ಗಲ್ಲು

ಇಸ್ಲಾಮಾಬಾದ್‌: 2014ರಲ್ಲಿ 150 ಮಕ್ಕಳ ಸಾವಿಗೆ ಕಾರಣವಾಗಿದ್ದ, ಪಾಕಿಸ್ಥಾನದ ಪೇಶಾವರದ ಸೇನಾ ಶಾಲೆಯ ಮೇಲೆ ನಡೆದ ದಾಳಿ ಪ್ರಕರಣದಲ್ಲಿ ದೋಷಿಗಳಾಗಿದ್ದ ಇಬ್ಬರು ತಾಲಿಬಾನಿ ಉಗ್ರರನ್ನು ಪಾಕಿಸ್ಥಾನ ಬುಧವಾರ ಗಲ್ಲಿಗೇರಿಸಿತು. ತೆಹ್ರೀಕ್‌-ಇ-ತಾಲಿಬಾನ್‌ ಉಗ್ರ ಸಂಘಟನೆಯ ಸಕ್ರಿಯ ಸದಸ್ಯರಾಗಿದ್ದ ಅತ್ತಾ ಉಲ್ಲಾ ಮತ್ತು ತಾಜ್‌ ಮಹಮ್ಮದ್‌ರನ್ನು ಗಲ್ಲಿಗೇರಿಸಲಾಯಿತು. ಸೇನಾ ಶಾಲೆಯ ಮೇಲೆ ದಾಳಿ ಸೇರಿದಂತೆ ದೇಶದಲ್ಲಿ ನಡೆದ ಹಲವಾರು ಭಯೋತ್ಪಾದಕ ಚಟುವಟಿಗಳಲ್ಲಿ ಇವರಿಬ್ಬರ ಕೈವಾಡ ಇತ್ತು ಎಂದು ಪಾಕ್‌ ಸೇನೆ ಹೇಳಿದೆ. 2015ರ ಡಿಸೆಂಬರ್‌ನಲ್ಲಿ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ 4 ಉಗ್ರರನ್ನು ಕೋಹತ್‌ ಜೈಲಿನಲ್ಲಿ ಗಲ್ಲಿಗೇರಿಸಲಾಗಿತ್ತು.