ಬಸ್‌ಸ್ಟಾಂಡ್‌ನ‌ಲ್ಲಿ ಭಿಕ್ಷುಕನ ಚೀಲ!:ಬಾಂಬ್‌ ಎಂದು ವ್ಯಾಪಕ ಪರಿಶೀಲನೆ

ಬೆಂಗಳೂರು : ಚಿನ್ನಸ್ವಾಮಿ ಕ್ರೀಡಾಂಗಣದ ಬಳಿ ಬಸ್‌ಸ್ಟಾಂಡ್‌ನ‌ಲ್ಲಿ ಭಿಕ್ಷುಕನೊಬ್ಬ ಬಿಟ್ಟು ಹೋಗಿದ್ದ ಚೀಲ ಕಂಡು ಬಾಂಬ್‌ ಎಂದು ಬೆದರಿ ವ್ಯಾಪಕ ಪರಿಶೀಲನೆ ನಡೆಸಿದ ಘಟನೆ ಭಾನುವಾರ ಬೆಳಗ್ಗೆ ನಡೆದಿದೆ. 

ಇಂದು ರಾತ್ರಿ 8 ಗಂಟೆಗೆ ಆರ್‌ಸಿಬಿ ಮತ್ತು ಪುಣೆ ತಂಡದ ನಡುವೆ ಐಪಿಎಲ್‌ ಹಣಾಹಣಿ ನಡೆಯಲಿದ್ದು ,ಭಾರೀ ಸಂಖ್ಯೆಯಲ್ಲಿ ಕ್ರಿಕೆಟ್‌ ಅಭಿಮಾನಿಗಳು ಹರಿದು ಬರುವ ಹಿನ್ನಲೆಯಲ್ಲಿ ಭದ್ರತೆ ಬಿಗಿ ಗೊಳಿಸಲಾಗಿತ್ತು. ಈ ವೇಳೆ ಬಸ್‌ಸ್ಟಾಂಡ್‌ನ‌ಲ್ಲಿದ್ದ ಪ್ಲಾಸ್ಟಿಕ್‌ ಚೀಲ ಆತಂಕಕ್ಕೆ ಕಾರಣವಾಯಿತು.

ಚೀಲವನ್ನು ಕಂಡು ಕೂಡಲೆ ಸ್ಥಳಕ್ಕೆ ಶ್ವಾನ ದಳ ದೊಂದಿಗೆ ಪೊಲೀಸರು ಆಗಮಿಸಿ ಪರಿಶೀಲನೆ ನಡೆಸಿದ್ದು, ಈ ವೇಳೆ ಭಿಕ್ಷುಕನ ಹರಿದ ಬಟ್ಟೆಗಳಿದ್ದವು. ತೀವ್ರ ಆತಂಕಗೊಂಡಿದ್ದ ಜನರು ನಿಟ್ಟುಸಿರು ಬಿಟ್ಟರು. 

ರಾತ್ರಿ ಮಲಗಲು ಬಳಸುತ್ತಿದ್ದ ಬಟ್ಟೆಗಳನ್ನು ಭಿಕ್ಷುಕ ಚೀಲದಲ್ಲಿ ಹಾಕಿ  ಬಿಟ್ಟು ಹೋಗಿದ್ದ ಎನ್ನಲಾಗಿದೆ.