Koteshwara: ಶೋ ರೂಮ್‌ನಲ್ಲಿ ಕಳವಿಗೆ ಯತ್ನ

ಕೋಟೇಶ್ವರ: ಗೋಪಾಡಿ, ಮೂಡುಗೋಪಾಡಿ ಪರಿಸರದಲ್ಲಿ ನ. 23ರಂದು ಕಳ್ಳರು ಶೋರೂಮ್‌ ಒಂದರ ಬಾಗಿಲು ಒಡೆಯಲು ಪ್ರಯತ್ನಿಸಿದ್ದಲ್ಲದೇ ಆಸುಪಾಸು ತಿರುಗಾಡಿರುವುದು ಸ್ಥಳೀಯ ನಿವಾಸಿಗಳಲ್ಲಿ ಆತಂಕ ಉಂಟು ಮಾಡಿದೆ.

ಸರಿ ಸುಮಾರು ಮುಂಜಾನೆ 3 ಗಂಟೆ ಹೊತ್ತಿನಲ್ಲಿ ಮುಸುಕು ಧಾರಿ ವ್ಯಕ್ತಿಯೋರ್ವ ಶೋರೂಮ್‌ ಶೆಟರ್‌ ಒಡೆಯಲು ಪ್ರಯತ್ನಿಸುತ್ತಿರುವುದನ್ನು ಗಮನಿಸಿದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದರು.

ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಸ್ಥಳೀಯ ರೊಡನೆ ಕಳ್ಳನಿಗಾಗಿ ಹುಡುಕಾಡಿದ್ದರು. ಕಳ್ಳ ಸ್ಥಳೀಯನಾಗಿರಬಹುದೆಂದು ಊಹಿಸಲಾಗಿದ್ದು, ಆತನೊಡನೆ ಇತರ ರಾಜ್ಯದ ಕಳ್ಳರು ಸಂಪರ್ಕದಲ್ಲಿರಬಹುದೆಂದು ಹೇಳಲಾಗಿದೆ. ನಡುರಾತ್ರಿ ಅನಂತರ ಗೋಪಾಡಿ, ಮೂಡು ಗೋಪಾಡಿ, ವಕ್ವಾಡಿ, ಬೀಜಾಡಿ, ಕುಂಭಾಶಿ ಪರಿಸರದಲ್ಲಿ ಪೊಲೀಸ್‌ ಬಂದೋಬಸ್ತ್ ಹೆಚ್ಚಿಸಬೇಕೆಂದು ಸ್ಥಳೀಯರು ಆಗ್ರಹಿಸಿದ್ದಾರೆ.