ಮುಂಬಯಿ: ಬಾಲಿವುಡ್ ಕಿಂಗ್‌ ಖಾನ್ ಶಾರುಖ್ ಖಾನ್ ಅಭಿನಯದ ಬಹು ನಿರೀಕ್ಷಿತ ʼಪಠಾಣ್‌ʼ ಸಿನಿಮಾದ ಟ್ರೇಲರ್‌ ಮಂಗಳವಾರ( ಜ.10) ರಂದು ರಿಲೀಸ್‌ ಆಗಿದೆ.
ಒಂದಷ್ಟು ವಿಚಾರಗಳಿಗೆ ಸುದ್ದಿಯಾಗಿದ್ದ ʼಪಠಾಣ್‌ʼ ಶಾರುಖ್ ಖಾನ್ ಬಹು ಸಮಯದ ಬಳಿಕ ಕಮ್‌ ಬ್ಯಾಕ್‌ ಮಾಡುತ್ತಿರುವ ಸಿನಿಮಾ. ದೀಪಿಕಾ -ಶಾರುಖ್ ಹಿಟ್‌ ಜೋಡಿ ಮತ್ತೆ ಜೊತೆಯಾಗಿ ನಟಿಸುತ್ತಿರುವ ಸಿನಿಮಾ. ಹಾಡುಗಳಿಂದ ಗಮನ ಸೆಳದಿದ್ದ ಸಿನಿಮಾ ಇದೀಗ ಟ್ರೇಲರ್‌ ರಿಲೀಸ್‌ ಮಾಡಿ ಅಬ್ಬರಿಸಿದೆ.
ಭಾರತದ ಮೇಲೆ ದಾಳಿ ಮಾಡಲು ಸಂಚು ಹಾಕುವ ಒಬ್ಬ ವ್ಯಕ್ತಿ ( ಜಾನ್‌ ಅಬ್ರಹಾಂ). ದೇಶದಲ್ಲಿ ಅನಾಹುತ ಮಾಡಲು ಹೊರಟವನಿಗೆ ಪಾಠ ಕಲಿಸಲು ಬರುವ ʼಪಠಾಣ್‌ʼ (ಶಾರುಖ್ ಖಾನ್) ಟ್ರೇಲರ್‌ ನಲ್ಲಿ ಮಿಂಚಿದ್ದಾರೆ. ದೇಶವನ್ನು ದಾಳಿಕೋರನಿಂದ ರಕ್ಷಿಸಬೇಕೆನ್ನುವ ನಿಟ್ಟಿನಲ್ಲಿ ಸರ್ಕಾರದ ಒಬ್ಬ ಬಲಿಷ್ಠ ಅಸ್ತ್ರವಾಗಿ ʼಪಠಾಣ್‌ʼ ಕಾಣಿಸಿಕೊಂಡಿದ್ದಾನೆ. ಶಾರುಖ್ ಖಾನ್ ಅವರೊಂದಿಗೆ ದೀಪಿಕಾ ಪಡುಕೋಣೆ ಕೂಡ ಆ್ಯಕ್ಷನ್‌ ಸೀನ್‌ ಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ:ಆಸ್ಕರ್‌ ಗೆ ಅರ್ಹತೆ ಪಡೆದ ದಂತಕಥೆ ʼಕಾಂತಾರʼ: ಸಂತಸ ಹಂಚಿಕೊಂಡ ಹೊಂಬಾಳೆ
ಖಡಕ್‌ ಡೈಲಾಗ್ಸ್‌, ಉದ್ದ ಕೂದಲಿನಲ್ಲಿ, ಸ್ಟೈಲಿಸ್ಟ್‌ ಆಗಿ ಕಾಣಿಸಿಕೊಂಡಿರುವ ಶಾರುಖ್ ಖಾನ್ ಬಹು ಸಮಯದ ಆ್ಯಕ್ಷನ್‌ ಸೀನ್‌ ಗಳಲ್ಲಿ ಧೂಳು ಎಬ್ಬಿಸಿದ್ದಾರೆ. ಟ್ರೇಲರ್‌ ನಲ್ಲಿ ಬರುವ ಸಾಹಸ ದೃಶ್ಯಗಳು ನೋಡುಗರ ಕುತೂಹಲವನ್ನು ಹೆಚ್ಚಿಸುತ್ತದೆ.
ಟೇಲರ್‌ ಕೊನೆಗೆ ಬರುವ ಜೈಹಿಂದ್ ಡೈಲಾಗ್‌ ಸಿನಿಮಾ ದೇಶದ ಕುರಿತಾಗಿ ಸಾಗುವ ಕಥಾಹಂದರವನ್ನೆವುದನ್ನು ತೋರಿಸುತ್ತದೆ.
ಬಾಲಿವುಡ್ ನಲ್ಲ ಈ ಹಿಂದೆ ಸಲ್ಮಾನ್ ಖಾನ್ ಅವರ ʼಟೈಗರ್‌ʼ ಸರಣಿಯ ಚಿತ್ರಗಳು ಹೀಗೆಯೇ ಆ್ಯಕ್ಷನ್‌ ಮಾದರಿಯಲ್ಲಿ ದೇಶ ಭಕ್ತಿಯನ್ನು ಹುಟ್ಟಿಸುವ ಚಿತ್ರಗಳೇ ಆಗಿತ್ತು. ಮೇಲ್ನೋಟಕ್ಕೆ ʼಪಠಾಣ್‌ʼ ಸಿನಿಮಾದ ಟ್ರೇಲರ್‌ ಕೂಡ ಹಾಗೆಯೇ ಕಾಣುತ್ತದೆ.
ಜ.25 ರಂದು ಹಿಂದಿ,ತಮಿಳು, ತೆಲುಗು ಭಾಷೆಯಲ್ಲಿ ಸಿನಿಮಾ ತೆರೆಗೆ ಬರಲಿದೆ.
