ರಾಷ್ಟ್ರೀಯವಾದಿ ಕಾಂಗ್ರೆಸ್‌ ಎನ್‌ಡಿಎ ಸೇರುವುದಿಲ್ಲ : ಪ್ರಫ‌ುಲ್

ಹೊಸದಿಲ್ಲಿ : ರಾಷ್ಟ್ರೀಯವಾದಿ ಕಾಂಗ್ರೆಸ್‌ ಪಕ್ಷ ಎನ್‌ಡಿಎ ಸರಕಾರ ಸೇರಲಿದೆ ಎಂಬ ವರದಿಗಳನ್ನು ಹಿರಿಯ ಎನ್‌ಸಿಪಿ ನಾಯಕ ಪ್ರಫ‌ುಲ್‌ ಪಟೇಲ್‌ ಅಲ್ಲಗಳೆದಿದ್ದಾರೆ. 

ದಿಲ್ಲಿಯಲ್ಲಿನ ಎನ್‌ಡಿಎ ಸರಕಾವನ್ನು ಎನ್‌ಸಿಪಿ ಸೇರುವುದೆಂಬ ಊಹನೆಗೆ ಯಾವುದೇ ಆಧಾರವಿಲ್ಲ ಎಂದು ಪಟೇಲ್‌ ಟ್ವೀಟ್‌ ಮಾಡಿದ್ದಾರೆ. 

ಎನ್‌ಸಿಪಿ ಸದ್ಯದಲ್ಲೇ ಎನ್‌ಡಿಎ ಸೇರಲಿದೆ ಮತ್ತು ಮುಂದಿನ ಸಚಿವ ಸಂಪುಟ ಪುನಾರಚನೆ ವೇಳೆ ಮೋದಿ ಸರಕಾರದಲ್ಲಿ ಅದು ಸ್ಥಾನ ಪಡೆಯಲಿದೆ ಎಂದು ಕೆಲವು ಮಾಧ್ಯಮಗಳಲ್ಲಿ ವರದಿಯಾಗಿತ್ತು. 

ಎನ್‌ಸಿಪಿ ಮುಖ್ಯಸ್ಥ ಶರದ್‌ ಪವಾರ್‌ ಅವರು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಈಚಿನ ದಿನಗಳಲ್ಲಿ ನಿಕಟರಾಗುತ್ತಿರುವ ಹಿನ್ನೆಲೆಯಲ್ಲಿ ಕೆಲ ಮಾಧ್ಯಮಗಳಲ್ಲಿ ಎನ್‌ಸಿಪಿ, ಎನ್‌ಡಿಎ ಸೇರುವ ಸುದ್ದಿಗಳು ಪ್ರಕಟಗೊಂಡಿದ್ದವು.