Singapore: 2024ರಿಂದ ಚಾಂಗಿ ಏರ್‌ಪೋರ್ಟಲ್ಲಿ ಪಾಸ್‌ಪೋರ್ಟ್‌ ಮುಕ್ತ ಸಂಚಾರ

ಸಿಂಗಾಪುರ: ಸಿಂಗಾಪುರದ ಚಾಂಗಿ ವಿಮಾನ ನಿಲ್ದಾಣ 2024ರಿಂದ ಪಾಸ್‌ಪೋರ್ಟ್‌ ಮುಕ್ತ ಸಂಚಾರಕ್ಕೆ ಅನುವು ಮಾಡಿಕೊಡಲಿದೆ. ವಿಮಾನ ನಿಲ್ದಾಣದಲ್ಲಿ ಸ್ವಯಂಚಾಲಿತ ವಲಸೆ ಕ್ಲಿಯರೆನ್ಸ್‌ ಪರಿಚಯಿಸಲಾಗುತ್ತಿದೆ.

ಈ ಹಿನ್ನೆಲೆಯಲ್ಲಿ ಪ್ರಯಾಣಿಕರು ಕೇವಲ ಬಯೋಮೆಟ್ರಿಕ್‌ ದತ್ತಾಂಶದ ಮೂಲಕವೇ ನಗರದಿಂದ ನಿರ್ಗಮಿಸಲು- ಪ್ರಯಾಣಿಸಲು ಸಾಧ್ಯವಾಗಲಿದೆ ಆ ದತ್ತಾಂಶಗಳ ಮೂಲಕವೇ ಸ್ವಯಂಚಾಲಿತವಾಗಿ ಇಮಿಗ್ರೇಷನ್‌ ಕ್ಲಿಯರೆನ್ಸ್‌ ಪಡೆಯಲು ಸಾಧ್ಯವಾಗುತ್ತದೆ. ಇತ್ತೀಚೆಗೆ ಸಿಂಗಾಪುರದ ಸಂವಹನ ಸಚಿವ ಜೋಸೆಫಿನ್‌ ಟಿಯೋ ಅವರು ಸಂಸತ್‌ ಅಧಿವೇಶನದಲ್ಲಿ ದೇಶದ ವಲಸೆ ಕಾಯ್ದೆಗೆ ಸಂಬಂಧಿಸಿದ ಹಲವಾರು ಬದಲಾವಣೆಗಳನ್ನು ಘೋಷಿಸಿದ್ದರು.