Panemangalore ಬೋಳಂಗಡಿ ಶಾಲೆಯಿಂದ ನಗದು ಕಳವು

ಬಂಟ್ವಾಳ: ಪಾಣೆಮಂಗಳೂರು ಬೋಳಂಗಡಿಯ ಸರಕಾರಿ ಶಾಲೆಯ ಕಚೇರಿ ಬೀಗ ಒಡೆದು ಕಪಾಟಿನ ಲಾಕರ್‌ನಲ್ಲಿಟ್ಟಿದ್ದ ಸುಮಾರು 25 ಸಾವಿರ ರೂ. ನಗದನ್ನು ಕಳವು ಮಾಡಿದ ಘಟನೆ ಆ. 19ರಂದು ಬೆಳಕಿಗೆ ಬಂದಿದೆ.

ಘಟನೆಯ ಕುರಿತು ಶಾಲಾ ಮುಖ್ಯಶಿಕ್ಷಕ ಶ್ರೀಧರ ಪೂಜಾರಿ ಅವರು ದೂರು ನೀಡಿದ್ದಾರೆ. ಆ. 18ರಂದು ಸಂಜೆ ಶಾಲೆಗೆ ಬೀಗ ಹಾಕಿ ಹೋಗಿದ್ದು, 19ರಂದು ಬೆಳಗ್ಗೆ ಬಂದಾಗ ಶಾಲೆಯ ಕಚೇರಿ ಬೀಗವನ್ನು ಒಡೆದಿರುವುದು ಕಂಡುಬಂದಿದೆ.

ಒಳಗೆ ಹೋಗಿ ನೋಡಿದಾಗ ಕಪಾಟಿನ ಒಳಗಿದ್ದ ಕಡತಗಳನ್ನು ಎಲ್ಲೆಂದರಲ್ಲಿ ಎಸೆದಿದ್ದು, ಕಪಾಟಿನ ಲಾಕರ್‌ನಲ್ಲಿ ಇರಿಸಿದ ನಗದನ್ನು ಕಳವು ಮಾಡಲಾಗಿದೆ. ಘಟನೆಯ ಕುರಿತು ಬಂಟ್ವಾಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.