8000 ರೂ. ಲಂಚ ಸ್ವೀಕರಿಸುತ್ತಿದ್ದ ಪಂಚಾಯತ್‌ ಅಧಿಕಾರಿ ಅರೆಸ್ಟ್‌

ನಾಶಿಕ್‌ : ದೂರುದಾರರೊಬ್ಬರಿಂದ ಎಂಟು ಸಾವಿರ ರೂ. ಲಂಚ ತೆಗೆದುಕೊಳ್ಳುತ್ತಿದ್ದ ಪಂಚಾಯತ್‌ ಸಹಾಯಕ ಲೆಕ್ಕಪತ್ರ ಅಧಿಕಾರಿಯನ್ನು ಭ್ರಷ್ಟಾಚಾರ ನಿಗ್ರಹ ದಳದವರು (ಎಸಿಬಿ) ಬಂಧಿಸಿದ್ದಾರೆ. 

ತ್ರ್ಯಂಬಕೇಶ್ವರ ಪಟ್ಟಣ ಪಂಚಾಯತ್‌ನ ಸಹಾಯಕ ಲೆಕ್ಕ ಪತ್ರ ಅಧಿಕಾರಿ ನಿವೃತ್ತ ವೈದ್ಯಾಧಿಕಾರಿಯೊಬ್ಬರಿಂದ ವೇತನ ಸಂಬಂಧಿ ಸಮಸ್ಯೆಯನ್ನು ಬಗೆಹರಿಸುವುದಕ್ಕಾಗಿ 8,000 ರೂ. ಲಂಚ ಪಡೆಯುತ್ತಿದ್ದಾಗಲೇ ಎಸಿಬಿಯಿಂದ ಅರೆಸ್ಟ್‌ ಆದರೆಂದು ಅಧಿಕಾರಿಗಳುತಿಳಿಸಿದ್ದಾರೆ. ಈ ಸಂಬಂಧ ತ್ರ್ಯಂಬಕೇಶ್ವರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದ್ದು ತನಿಖೆ ನಡೆಯುತ್ತಿದೆ.