Pakistan: ಆಫ್ಘನ್ನರ ಹೊರ ದಬ್ಬಿದ ಪಾಕ್‌

ಇಸ್ಲಾಮಾಬಾದ್‌: ಕಾಶ್ಮೀರ ವಿಚಾರದಲ್ಲಿ ಭಾರತಕ್ಕೇ ನೀತಿ ಬೋಧಿಸಲು ಮುಂದಾಗುವ ಪಾಕಿಸ್ತಾನ, ಇದೀಗ ತನ್ನ ದೇಶದಲ್ಲಿ ಎದುರಾಗಿರುವ ವಲಸಿಗರ ಸಮಸ್ಯೆ ಎದುರಿಸಲು ದಮನಕಾರಿ ನೀತಿ ಅನುಸರಣೆಗೆ ಮುಂದಾಗಿದೆ. ಆಶ್ರಯಕೋರಿ ತನ್ನ ದೇಶದಲ್ಲಿದ್ದ ಆಫ್ಘನ್ನರನ್ನು ಪಾಕ್‌ ಅಧಿಕಾರಿಗಳು ಬಲವಂತದಿಂದ ಗಡಿಪಾರು ಮಾಡುತ್ತಿದೆ.

ಪಾಕಿಸ್ತಾನ ಸರ್ಕಾರದ ಈ ದಾಷ್ಟ್ರ್ಯನಿರ್ಣಯದ ಬಗ್ಗೆ ಜಾಗತಿಕ ಮಾನವಹಕ್ಕುಗಳ ಸಂಘಟನೆಗಳು ಸೇರಿದಂತೆ ಹಲವು ಸಂಘ-ಸಂಸ್ಥೆಗಳು ಆಕ್ಷೇಪ ವ್ಯಕ್ತ ಪಡಿಸಿವೆ. ಅಂತಾರಾಷ್ಟ್ರೀಯ ಮಾನವೀಯ ನೆರವು ಸಂಸ್ಥೆಗಳಾದ ನಾರ್ವೆಜೀಯನ್‌ ರೆಫ್ಯೂಜಿ ಕೌನ್ಸಿಲ್‌. ಡ್ಯಾನಿಶ್‌ ರೆಫ್ಯೂಜಿ ಕೌನ್ಸಿಲ್‌ ಹಾಗೂ ಇಂಟರ್‌ನ್ಯಾಷನಲ್‌ ರೆಸ್ಕ್ಯೂ ಕಮಿಟಿ ಈ ಬಗ್ಗೆ ಹೆಚ್ಚಿನ ಆತಂಕ ವ್ಯಕ್ತಪಡಿಸಿವೆ.