ಪೈ ಇಂಟರ್‌ನ್ಯಾಷನಲ್‌: ಲಕ್ಕಿ ಡ್ರಾ ಬಹುಮಾನ ವಿತರಣೆ

ಬೆಂಗಳೂರು: ಎಲೆಕ್ಟ್ರಾನಿಕ್‌, ಗೃಹೋಪ ಯೋಗಿ ವಸ್ತುಗಳ ಮಾರಾಟ ಕಂಪನಿ “ಪೈ ಇಂಟರ್‌ ನ್ಯಾಷನಲ…’ ಕಳೆದ ದಸರಾ ಮತ್ತು ದೀಪಾವಳಿ ಹಬ್ಬದ ವಿಶೇಷ ಮಾರಾಟ ಮೇಳದ ಲಕ್ಕಿ ಡ್ರಾ ವಿಜೇತರಿಗೆ ಭಾನುವಾರ ಕಾರುಗಳು ಸೇರಿದಂತೆ ವಿವಿಧ ಬಹುಮಾನಗಳನ್ನು ವಿತರಿಸಿತು.

ಜಯನಗರದ ರಾಣಿ ಸರಳಾದೇವಿ ಶಾಲಾ ಆವರಣದಲ್ಲಿ ಏರ್ಪಡಿಸಿದ್ದ ಬಹುಮಾನ ವಿತರಣಾ ಕಾರ್ಯಕ್ರಮವನ್ನು ಪೈ ಇಂಟರ್‌ ನ್ಯಾಷನಲ್‌ನ ವ್ಯವಸ್ಥಾಪಕ ನಿರ್ದೇಶಕ ರಾಜ್‌ಕುಮಾರ್‌ ಪೈ ಮತ್ತು ಹಣಕಾಸು ನಿರ್ದೇಶಕರಾದ ಮೀನಾ ರಾಜ್‌ಕುಮಾರ್‌ ಪೈ ಉದ್ಘಾಟಿಸಿ ವಿಜೇತರಿಗೆ ಬಹುಮಾನ ವಿತರಿಸಿದರು.

ಈ ಸಂದರ್ಭದಲ್ಲಿ ಮೆಗಾ ಬಂಪರ್‌ ಬಹುಮಾನವಾಗಿ 10 ಲಕ್ಕಿ ವಿಜೇತರಿಗೆ ತಲಾ ಒಂದು “ಹುಂಡೈ ಎಲೈಟ್‌ ಐ20′ ಕಾರು, ಸೂಪರ್‌ ಬಂಪರ್‌ ಬಹುಮಾನವಾಗಿ 10 ಲಕ್ಕಿ ವಿಚೇತರಿಗೆ “ಹುಂಡೈ ಗ್ರಾಂಡ್‌ ಐ10′ ಕಾರು, ಬಂಪರ್‌ ಬಹುಮಾನವಾಗಿ 10 ಲಕ್ಕಿ ವಿಜೇತರಿಗೆ ಹುಂಡೈ ಇಯಾನ್‌ ಕಾರುಗಳನ್ನು ರಾಜ್‌ಕುಮಾರ್‌ ಪೈ ಹಸ್ತಾಂತರಿಸಿದರು. 

ಅದೇ ರೀತಿ ಮೆಗಾ ಫೆಸ್ಟಿವಲ್‌ ಸೇಲ್‌ನ ಲಕ್ಕಿ ಡ್ರಾ ವಿಜೇತರಿಗೆ ಪ್ರಥಮ ಬಹುಮಾನವಾಗಿ 100 ಜನ ಲಕ್ಕಿ ವಿಜೇತರಿಗೆ ತಲಾ “1ಲಕ್ಷ ರೂ. ಮೌಲ್ಯದ ಉಚಿತ ಶಾಪಿಂಗ್‌’ ಬಹುಮಾನ, ದ್ವಿತೀಯ ಬಹುಮಾನವಾಗಿ 100 ಜನ ಲಕ್ಕಿ ವಿಜೇತರಿಗೆ ತಲಾ “50 ಸಾವಿರ ರೂ. ಮೌಲ್ಯದ ಉಚಿತ ಶಾಪಿಂಗ್‌’, ತೃತೀಯ ಬಹುಮಾನವಾಗಿ 100 ಲಕ್ಕಿ ವಿಜೇತರಿಗೆ “25 ಸಾವಿರ ರೂ. ಮೌಲ್ಯದ ಉಚಿತ ಶಾಪಿಂಗ್‌’ ಬಹುಮಾನಗಳಲ್ಲದೆ ಇನ್ನೂ 50,830 ಇತರೆ ಬಹುಮಾನಗಳನ್ನು ನೀಡಲಾಯಿತು.

ಈ ವೇಳೆ ಮಾತನಾಡಿದ ರಾಜ್‌ಕುಮಾರ್‌ ಪೈ, ಪ್ರತಿ ಮೆಗಾ ಮಾರಾಟ ಮೇಳದಲ್ಲೂ ಸಾವಿರಾರು ಬಹುಮಾನವನ್ನು ಗ್ರಾಹಕರಿಗೆ ಲಕ್ಕಿ ಡ್ರಾ ಮೂಲಕ ನೀಡುತ್ತಾ ಬರಲಾಗುತ್ತಿದೆ. ಇದುವರೆಗೂ 204 ಕಾರುಗಳನ್ನು ನೀಡಲಾಗಿದೆ. ರಾಜ್ಯಾದ್ಯಂತ ಪ್ರಸ್ತುತ 79 ಮಳಿಗೆಗಳಿದ್ದು, ಈ ಸಂಖ್ಯೆಯನ್ನು ಪ್ರಸಕ್ತ ಸಾಲಿನಲ್ಲಿ 120ಕ್ಕೆ ಹೆಚ್ಚಿಸುವ ಗುರಿ ಇದೆ. ಪ್ರಸಕ್ತ ಸಾಲಿನಲ್ಲಿ ಕಂಪನಿ 1200 ಕೋಟಿ ರೂ. ವಹಿವಾಟಿನ ಗುರಿ ಹೊಂದಿದೆ ಎಂದು ಹೇಳಿದರು.

ಈ ವೇಳೆ ಪೈ ಇಂಟರ್‌ನ್ಯಾಷನ್‌ ನಿರ್ದೇಶಕರಾದ ಗುರುಪ್ರಸಾದ್‌ ಪೈ, ಪುಷ್ಪಾ ಪೈ ಮತ್ತಿತರರು ಉಪಸ್ಥಿತರಿದ್ದರು. 

ನ್ಯೂ ಇಯರ್‌ ಸೇಲ್‌ ಲಕ್ಕಿ ಡ್ರಾ
ಪೈ ಇಂಟರ್‌ನ್ಯಾಷನಲ್‌ ಹೊಸ ವರ್ಷ ಹಾಗೂ ಕ್ರಿಸ್‌ಮಸ್‌ ಅಂಗವಾಗಿ ಕಳೆದ ನವೆಂಬರ್‌ನಲ್ಲಿ ಆಯೋಜಿಸಿದ್ದ “ನ್ಯೂ ಇಯರ್‌ ಸೇಲ್‌ ಲಕ್ಕಿ ಡ್ರಾ’ ಸಮಾರಂಭವನ್ನು ಕೂಡ ಇದೇ ವೇಳೆ ನಡೆಸಿತು. ನೆರೆದಿದ್ದ ಸಾವಿರಾರು ಗ್ರಾಹಕರ ಸಮ್ಮುಖದಲ್ಲೇ ಪುಟಾಣಿ ಮಕ್ಕಳಿಂದ ಲಕ್ಕಿ ಡ್ರಾ ನಡೆಸುವ ಮೂಲಕ ವಿಜೇತ ಕೂಪರ್‌ ನಂಬರ್‌ಗಳನ್ನು ಘೋಷಣೆ ಮಾಡಲಾಯಿತು.

ಈ ಲಕ್ಕಿ ಡ್ರಾನಲ್ಲಿ ಪ್ರಥಮ ಬಹುಮಾನವಾಗಿ 100 ಜನರ ಲಕ್ಕಿ ವಿಜೇತರಿಗೆ ತಲಾ ಒಂದು ಲಕ್ಷ ರೂ. ಮೌಲ್ಯದ ಚಿನ್ನ, ದ್ವಿತೀಯ ಬಹುಮಾನವಾಗಿ 100 ಜನ ಲಕ್ಕಿ ವಿಜೇತರಿಗೆ ತಲಾ 50 ಸಾವಿರ ರೂ. ಮೌಲ್ಯದ ಚಿನ್ನ ನೀಡಲಾಗುವುದು ಎಂದು ಎಂದು ಪೈ ಇಂಟರ್‌ನ್ಯಾಷನಲ್‌ ಎಂಡಿ ರಾಜ್‌ಕುಮಾರ್‌ ತಿಳಿಸಿದರು.

ಅದೇ ರೀತಿ ತೃತೀಯ ಬಹುಮಾನವಾಗಿ 100 ಜನ ಲಕ್ಕಿ ವಿಜೇತರಿಗೆ ತಲಾ 5 ಸಾವಿರ ರೂ. ಮೌಲ್ಯದ ಉಚಿತ ಶಾಪಿಂಗ್‌, 4ನೇ ಬಹುಮಾನವಾಗಿ 1 ಸಾವಿರ ಲಕ್ಕಿ ಗ್ರಾಹಕರಿಗೆ 1000 ರೂ. ಮೌಲ್ಯದ ಗಿಫ್ಟ್ ವೋಚರ್‌ ಮತ್ತು 5ನೇ ಬಹುಮಾನವಾಗಿ 50 ಸಾವಿರ ಲಕ್ಕಿ ಗ್ರಾಹಕರಿಗೆ 500 ರೂ. ಮೌಲ್ಯದ ಗಿಫ್ಟ್ ವೋಚರ್‌ಗಳನ್ನು ನೀಡಲಾಗುವುದು ಎಂದು ತಿಳಿಸಿದರು.

ಲಕ್ಕಿ ಡ್ರಾ ವಿಚೇತರ ಫ‌ಲಿತಾಂಶ ಪಟ್ಟಿಯನ್ನು ಎಲ್ಲಾ ಪೈ ಇಂಟರ್‌ನ್ಯಾಷನಲ್‌ ಶೋರೂಂಗಳಲ್ಲಿ ಅಥವಾ ಪೈ ಇಂಟರ್‌ನ್ಯಾಷನಲ್‌ ವೆಬ್‌ಸೈಟ್‌ನಲ್ಲಿ ವೀಕ್ಷಿಸಬಹುದು.