ಪಡುಬಿದ್ರಿ: ಮನೆಯಲ್ಲಿ ಕಳ್ಳತನ: ಚಿನ್ನ, ನಗದು ಕಳವು

ಪಡುಬಿದ್ರಿ: ತೆಂಕ ಎರ್ಮಾಳಿನ ಅಯಿಷಾ ಇಬ್ರಾಹಿಂ ಅವರ ಬಾಡಿಗೆ ಮನೆಯ ಬಾಗಿಲು ಮುರಿದು ಯಾರೋ ಕಳ್ಳರು 20,000 ರೂ. ನಗದು ಹಾಗೂ 25,000 ರೂ. ಮೌಲ್ಯದ 5ಗ್ರಾಂ ತೂಕದ ಚಿನ್ನದ ಗುಂಡು ಸರ ಹಾಗೂ ಕಿವಿಯೋಲೆಗಳನ್ನು ಕಳವು ಗೈದಿರುವುದಾಗಿ ಬಾಡಿಗೆದಾರ ಬಾಗಲಕೋಟೆ ಜಿಲ್ಲೆಯ ಮಾಸಪ್ಪ ಮಾದರ ಅವರು ರವಿವಾರ ಪಡುಬಿದ್ರಿ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಮಾಸಪ್ಪ ಬಾಗಲಕೋಟೆಯಿಂದ ರವಿವಾರ ಬೆಳಗ್ಗೆ ಬಂದಾಗ ಮನೆ ಬಾಗಿಲು ಒಡೆದಿರುವುದು ಕಂಡು ಬಂದಿದೆ.

ಒಳಗೆ ನೋಡಿದಾಗ ನಗ, ನಗದು ಕಳ್ಳತನವಾಗಿರುವುದು ಪತ್ತೆಯಾಗಿದೆ. ಪಡುಬಿದ್ರಿ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.