ಮುಸ್ಲಿಂ ರಾಷ್ಟ್ರ ಪಾಕಿಸ್ತಾನದಲ್ಲಿ ಇದ್ದಾರಂತೆ 22 ಲಕ್ಷ ಹಿಂದೂಗಳು

ಇಸ್ಲಾಮಾಬಾದ್‌: ಮುಸ್ಲಿಂ ರಾಷ್ಟ್ರವಾಗಿರುವ ಪಾಕಿಸ್ತಾನದಲ್ಲಿ 22,10,566 ಹಿಂದೂಗಳು ವಾಸವಿದ್ದಾರೆ ಎಂದು ಪಾಕಿಸ್ತಾನದ ಶಾಂತಿ ಮತ್ತು ನ್ಯಾಯ ಕೇಂದ್ರ ತಿಳಿಸಿದೆ.

ದೇಶದಲ್ಲಿ ಅಲ್ಪಸಂಖ್ಯಾತರ ಸಂಖ್ಯೆ ಶೇ.5ಕ್ಕಿಂತ ಕಡಿಮೆಯಿದ್ದು, ಅವರಲ್ಲಿ ಭಾರತೀಯರೇ ಹೆಚ್ಚಿದ್ದಾರೆ ಎಂದು ತಿಳಿಸಲಾಗಿದೆ.

ಪಾಕ್‌ನಲ್ಲಿ ಒಟ್ಟು 18,68,90,601 ಜನಸಂಖ್ಯೆಯಿದ್ದು, ಅದರಲ್ಲಿ 18,25,92,000 ಮಂದಿ ಮುಸ್ಲಿಂ ಧರ್ಮದವರಾಗಿದ್ದಾರೆ. ಅಲ್ಪಸಂಖ್ಯಾತರ ಪೈಕಿ ಹಿಂದೂಗಳ ನಂತರ ಕ್ರೈಸ್ತರು(18,73,348), ಅಹಮದೀಗಳು (1,88,340), ಸಿಖ್ಖರು(74,130) ಇದ್ದಾರೆ. 2000ಕ್ಕೂ ಕಡಿಮೆ ಜನರಿರುವ 11 ಧರ್ಮಗಳು ಪಾಕಿಸ್ತಾನದಲ್ಲಿದೆ. ರಾಷ್ಟ್ರೀಯ ದತ್ತಾಂಶ ಮತ್ತು ನೋಂದಣಿ ಪ್ರಾಧಿಕಾರದ ಅಂಕಿಅಂಶಗಳನ್ನು ಆಧರಿಸಿ ಈ ವರದಿ ತಯಾರಿಸಲಾಗಿದೆ.

ಇದನ್ನೂ ಓದಿ : ಪಿಎಸ್‌ಐ ಪ್ರಕರಣ: ಪ್ರಥಮ ರ್‍ಯಾಂಕ್‌ ಪಡೆದಿದ್ದ ಅಭ್ಯರ್ಥಿ ವಶಕ್ಕೆ