ವಸತಿ ನಿಲಯದಲ್ಲಿ ಕ್ವಾರಂಟೈನ್‌ಗೆ ವಿರೋಧ

ಕುಳಗೇರಿ ಕ್ರಾಸ್‌: ಪಾಸ್‌ ಇಲ್ಲದೆ ಬೈಕ್‌ ಮೂಲಕ ರಾಜಸ್ಥಾನಕ್ಕೆ ತೆರಳುವ ವಲಸೆ ಕಾರ್ಮಿಕರನ್ನು ಗಡಿಭಾಗದಲ್ಲಿ ತಡೆಯಲಾಗಿದ್ದು, ಅವರನ್ನು ಗ್ರಾಮದಲ್ಲಿರುವ ಸಮಾಜ ಕಲ್ಯಾಣ ಇಲಾಖೆಯ ಬಾಲಕರ ವಸತಿ ನಿಲಯದಲ್ಲಿ ಕ್ವಾರಂಟೈನ್‌ ಮಾಡದಂತೆ ಗ್ರಾಮಸ್ಥರು ಅಧಿಕಾರಿಗಳಿಗೆ ಮನವಿ ಮಾಡಿದರು.

ವಸತಿ ನಿಲಯದ ಪಕ್ಕ ಸುಮಾರು ಮನೆಗಳಿದ್ದು, ಹಲವಾರು ಕುಟುಂಬಗಳು ವಾಸವಾಗಿವೆ. ಕಾರಣ ಹೊರರಾಜ್ಯದವರು ಗ್ರಾಮದಲ್ಲಿ ಕ್ವಾರಂಟೈನ್‌ ಬೇಡ. ಗ್ರಾಮದಲ್ಲಿ ಇಲ್ಲಿಯವರೆಗೆ ಯಾವ ಪ್ರಕರಣಗಳಿಲ್ಲದ ಕಾರಣ ಕ್ವಾರಂಟೈನ್‌ ಮಾಡಬೇಡಿ ಎಂದು ಮಹಿಳೆಯರು ಕಂದಾಯ ನಿರೀಕ್ಷಕ ಎ.ಡಿ. ಸಾರವಾಡ, ಪಿಡಿಒ ಚಂದ್ರಕಾಂತ ದೊಡ್ಡಪತ್ತಾರ ಸೇರಿದಂತೆ ಅಧಿಕಾರಿಗಳಿಗೆ ಮನವಿ ಮಾಡಿದರು.

ಗ್ರಾಪಂ ಉಪಾಧ್ಯಕ್ಷ ವೆಂಕಣ್ಣ ಹೊರಕೇರಿ, ಗ್ರಾಪಂ ಸದಸ್ಯರಾದ ಸಣ್ಣಬೀರಪ್ಪ ಪೂಜಾರ, ಹನಮಂತ ನರಗುಂದ, ಶಭೀನಾಬೇಗಂ ಮುಲ್ಲಾ, ವಾರ್ಡನ್‌ ಐ.ವಿ. ಬಸರಿಕಟ್ಟಿ, ಚನ್ನಬಸು ಮೆಣಸಗಿ, ನಜಿರ ಮುಲ್ಲಾ, ಗ್ರಾಪಂ ಕಾರ್ಯದರ್ಶಿ ಬಂದೆನವಾಜ್‌ ಮುಲ್ಲಾ, ತೋಟಪ್ಪ ಸೂರೇಬಾನ ಇದ್ದರು.