ಕೊಲ್ಲಂಗಾನ ಮೇಳದ ವಾರ್ಷಿಕ ತಿರುಗಾಟಕ್ಕೆ ತೆರೆ

ಕಾಸರಗೋಡು: ಕೊಲ್ಲಂಗಾನ ಶ್ರೀ ದುರ್ಗಾಪರಮೇಶ್ವರಿ ಕೃಪಾ ಪೋಷಿತ ಯಕ್ಷಗಾನ ಮಂಡಳಿಯ ವಾರ್ಷಿಕ ತಿರುಗಾಟಕ್ಕೆ ಶುಕ್ರವಾರ ಸಾಂಪ್ರದಾಯಿಕವಾಗಿ ತೆರೆ ಬಿದ್ದಿದೆ.

ಶ್ರೀಕ್ಷೇತ್ರದಲ್ಲಿ ಗೆಜ್ಜೆ ಬಿಚ್ಚುವ ಸೇವೆಯಾಟ ನಡೆಯಿತು. ಸೇವೆಯಾಟಕ್ಕೆ ಮೇಳದ ವ್ಯವಸ್ಥಾಪಕ ಬ್ರಹ್ಮಶ್ರೀ ಗಣಾಧಿರಾಜ ಉಪಾಧ್ಯಾಯ ಶ್ರೀ ನಿಲಯ ಕೊಲ್ಲಂಗಾನ ಅವರು ಪ್ರಾರ್ಥನೆ ಸಲ್ಲಿಸಿ ಚಾಲನೆ ನೀಡಿದರು. ಬಳಿಕ ಎರಡು ವೇಷಗಳೊಂದಿಗೆ ದೇವರ ಮುಂದೆ ಕುಣಿದು ಗೆಜ್ಜೆ ಬಿಚ್ಚಲಾಯಿತು. ಲಾಕ್‌ಡೌನ್‌ ಹೇರಲ್ಪಟ್ಟ ಬಳಿಕ ಮೇಳ ತಿರುಗಾಟವನ್ನು ಅನಿವಾರ್ಯವಾಗಿ ಮೊಟಕುಗೊಳಿಸಲಾಗಿತ್ತು.