ಪತ್ರೊಡೆಗೆ ಮರುಳಾದ ಕಂಗನಾ!

ಮಂಗಳೂರು: ತುಳುನಾಡಿನ ಮನೆಮನೆಗಳಲ್ಲಿ ಆಟಿ ತಿಂಗಳಲ್ಲಿ ಸಿದ್ಧಪಡಿಸುವ ವಿಶಿಷ್ಟ ಖಾದ್ಯ ಪತ್ರೊಡೆಗೆ ಬಾಲಿವುಡ್‌ ನಟಿ ಕಂಗನಾ ರನಾವತ್‌ ಮರುಳಾಗಿದ್ದಾರೆ. “ಪತ್ರೊಡೆ ನನ್ನಿಷ್ಟದ ತಿಂಡಿಯಾಗಿದೆ. ನನ್ನ ಮನೆಯಲ್ಲಿಯೂ ಈ ತಿಂಡಿ ತಯಾರಿಸಿ ಸವಿಯುತ್ತೇನೆ’ ಎಂದು ಹಿಮಾಚಲ ಪ್ರದೇಶ ಮೂಲದ ಅವರು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

“ನನ್ನ ತಾಯಿ ಪತ್ರೊಡೆ ತಯಾರಿಸಿದ್ದು, ತಿನ್ನಲು ಹೆಚ್ಚು ರುಚಿಯಾಗಿದೆ. ಕೆಸುವಿನ ಎಲೆಯೊಂದಿಗೆ ತುಳಸಿಯನ್ನೂ ಸೇರಿಸಲಾಗಿದೆ. ಇದು ರುಚಿಕರ ಮಾತ್ರವಲ್ಲ ಔಷಧೀಯ ಗುಣವನ್ನೂ ಹೊಂದಿದೆ’ ಎಂದು ಕಂಗನಾ ತನ್ನ ಟ್ವಿಟರ್‌ ಪೇಜ್‌ನಲ್ಲಿ ಬರೆದುಕೊಂಡಿದ್ದಾರೆ. ಹಲವಾರು ಮಂದಿ ಕರಾವಳಿಗರು ಈ ಟ್ವೀಟ್‌ಗೆ ರೀಟ್ವೀಟ್‌ ಮಾಡಿ ಪತ್ರೊಡೆಯ ವಿಶೇಷತೆ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.