ದಿಲ್ಲಿ : ಶಾಲಾ ವ್ಯಾನಿಗೆ ಹಾಲಿನ ಟ್ಯಾಂಕರ್‌ ಢಿಕ್ಕಿ: ಬಾಲಕಿ ಸಾವು

ಹೊಸದಿಲ್ಲಿ : ವಾಯವ್ಯ ದಿಲ್ಲಿಯ ಕನ್ಹಯ್ಯನಗರ ಮೆಟ್ರೋ ಸ್ಟೇಶನ್‌ ಬಳಿ ಇಂದು ಬೆಳಗ್ಗೆ ಹಾಲಿನ ಟ್ಯಾಂಕರ್‌ ಒಂದು ಶಾಲಾ ವ್ಯಾನಿಗೆ ಢಿಕ್ಕಿ ಹೊಡೆದ ಪರಿಣಾಮವಾಗಿ 7 ವರ್ಷದ ಬಾಲಕಿಯೊಬ್ಬಳು ಮೃತಪಟ್ಟು ಇತರ17 ಮಂದಿ ವಿದ್ಯಾರ್ಥಿಗಳು ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ.

ಶಾಲಾ ವಾಹನವು ಕೇಶವಪುರಂ ನಲ್ಲಿನ ಎರಡು ಶಾಲೆಗಳಿಂದ ವಿದ್ಯಾರ್ಥಿಗಳನ್ನು ಒಯ್ಯುತ್ತಿತ್ತು. ಪೊಲೀಸರು ಎರಡೂ ವಾಹನಗಳ ಚಾಲಕರನ್ನು ಬಂಧಿಸಿದ್ದಾರೆ.

ಮೃತ ವಿದ್ಯಾರ್ಥಿನಿಯನ್ನು ಗರೀಮಾ ಎಂದು ಗುರುತಿಸಲಾಗಿದೆ. ಗಾಯಾಳು ಮಕ್ಕಳನ್ನು ವಿವಿಧ ಆಸ್ಪತ್ರೆಗಳಿಗೆ ಒಯ್ದು ಚಿಕಿತ್ಸೆ ಕೊಡಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಗಾಯಾಳು ಮಕ್ಕಳಲ್ಲಿ ನಾಲ್ಕು ಮಂದಿಯನ್ನು ಸುಶ್ರುತಾ ಟ್ರೋಮಾ ಸೆಂಟರ್‌ಗೆ ಸೇರಿಸಲಾಗಿದೆ.