ಏಕದಿನ ತಂಡದಲ್ಲಿ ತಮಿಮ್‌, ಶಕಿಬ್‌

ಢಾಕಾ: ಪ್ರವಾಸಿ ವೆಸ್ಟ್‌ ಇಂಡೀಸ್‌ ವಿರುದ್ಧ ಆಡಲಾಗುವ 3 ಪಂದ್ಯಗಳ ಏಕದಿನ ಸರಣಿಗಾಗಿ 16 ಸದಸ್ಯರ ಬಾಂಗ್ಲಾದೇಶ ತಂಡವನ್ನು ಪ್ರಕಟಿಸಲಾಗಿದೆ. ಆರಂಭಕಾರ ತಮಿಮ್‌ ಇಕ್ಬಾಲ್‌ ಮತ್ತು ಆಲ್‌ರೌಂಡರ್‌ ಶಕಿಬ್‌ ಅಲ್‌ ಹಸನ್‌ ತಂಡಕ್ಕೆ ವಾಪಸಾಗಿದ್ದಾರೆ. ಮಶ್ರಫೆ ಮೊರ್ತಜ ತಂಡವನ್ನು ಮುನ್ನಡೆಸಲಿದ್ದಾರೆ.

ಸರಣಿಯ 3 ಪಂದ್ಯಗಳು ಡಿ. 9, 11 ಮತ್ತು 14ರಂದು ಢಾಕಾ ಹಾಗೂ ಸಿಲ್ಹಟ್‌ನಲ್ಲಿ ನಡೆಯಲಿವೆ. ಇದಕ್ಕೂ ಮುನ್ನ ಡಿ. 6ರಂದು ವೆಸ್ಟ್‌ ಇಂಡೀಸ್‌-ಬಿಸಿಬಿ ಇಲೆವೆನ್‌ ನಡುವೆ ಅಭ್ಯಾಸ ಪಂದ್ಯವೊಂದನ್ನು ಆಡಲಾಗುವುದು.