ಆರ್‌ಎಸ್‌ಎಸ್‌ ನಾಯಕ, ಭದ್ರತಾ ಅಧಿಕಾರಿ ಹತ್ಯೆ: ಉಮರ್‌, ಮುಫ್ತಿ ಖಂಡನೆ

ಶ್ರೀನಗರ : ಜಮ್ಮು ಕಾಶ್ಮೀರದ ಕಿಷ್‌ತ್‌ವಾರ್‌ ಜಿಲ್ಲೆಯಲ್ಲಿ ಇಂದು ಉಗ್ರನೋರ್ವನಿಂದ ನಡೆದಿರುವ ಆರ್‌ಎಸ್‌ಎಸ್‌ ನಾಯಕ ಮತ್ತು ಅವರ ಖಾಸಗಿ ಭದ್ರತಾ ಅಧಿಕಾರಿಯ ಹತ್ಯೆನ್ನು ರಾಜ್ಯದ ಮಾಜಿ ಮುಖ್ಯಮಂತ್ರಿಗಳಾದ ಉಮರ್‌ ಅಬ್ದುಲ್ಲ ಮತ್ತು ಮೆಹಬೂಬ ಮುಫ್ತಿ ಬಲವಾಗಿ ಖಂಡಿಸಿದ್ದಾರೆ.

ರಾಜಕೀಯ ಕಾರ್ಯಕರ್ತರನ್ನು ಗುರಿ ಇರಿಸಿ ಈ ರೀತಿ ನಡೆಸಲಾಗುವ ಕಗ್ಗೊಲೆ ಅತ್ಯಂತ ಖಂಡನಾರ್ಹ. ಈ ಸಂದರ್ಭದಲ್ಲಿ ಶಾಂತಿ ಮತ್ತು ಸಹನೆಯನ್ನು ಕಾಪಿಡಲು ಸ್ಥಳೀಯರು ಆಡಳಿತೆಯೊಂದಿಗೆ ಸಹಕರಿಸಬೇಕು ಎಂದು ಅಬ್ದುಲ್ಲ ಟ್ವೀಟ್‌ ಮಾಡಿದ್ದಾರೆ.

ಅವಳಿ ಹತ್ಯೆಯನ್ನು ಖಂಡಿಸಿರುವ ಮುಫ್ತಿ ಅವರು ಪ್ರಕರಣದ ಬಗ್ಗೆ ತನಿಖೆ ನಡೆಯಬೇಕು ಎಂದು ಆಗ್ರಹಿಸಿದ್ದಾರೆ.